អតីតតារាសម្តែងហុងកុង លោក Chun Wong បានបើកចំហរអំពីការលំបាកផ្នែកហិរញ្ញវត្ថុរបស់គាត់ បន្ទាប់ពីផុតកុងត្រាជាមួយទូរទស្សន៍ហុងកុង (TVB)។
នៅក្នុងបទសម្ភាសន៍ថ្មីៗនេះជាមួយ HK01 លោក Wong បាននិយាយថា “គាត់ត្រូវដាក់ពាក្យសុំគម្រោងជំនួយសន្តិសុខសង្គមដ៏ទូលំទូលាយ (CSSA) ដើម្បីរ៉ាប់រងថ្លៃព្យាបាល និងតម្រូវការប្រើប្រាស់ប្រចាំថ្ងៃ”។
គួរបញ្ជាក់ដែរថា ការលំបាកផ្នែកហិរញ្ញវត្ថុរបស់គាត់កាន់តែអាក្រក់ទៅៗ បន្ទាប់ពីគាត់បានចំណាយប្រាក់ជាង 3 លានដុល្លារហុងកុង (1.8 លានដុល្លារ) និង លក់ទ្រព្យសម្បត្តិរបស់គាត់ដើម្បីជួយកូនស្រីសងបំណុល។
លើសពីនេះ តារាសម្តែងវ័យ 76 ឆ្នាំរូបនេះបាននិយាយថា “ខ្ញុំបានជួយនាងឱ្យបង់ប្រាក់ជាង 10,000 ដុល្លារហុងកុង ក្នុងមួយខែ អស់រយៈពេល 10 ឆ្នាំហើយ” ។
ប៉ុន្តែនៅទីបំផុតខ្ញុំគ្មានសល់អ្វីទាំងអស់ សូម្បី តែប្រាក់សន្សំពេលដែលខ្ញុំឈានដល់វ័យជរា។ រីឯ កូនស្រីច្បង”បានបាត់ខ្លួនទៀត បន្ទាប់ពីប្រកាសក្ស័យធន សូម្បីតែកូនបីនាក់ផ្សេងទៀតរបស់ខ្ញុំមិនអាចទាក់ទងនាងបានផង។
ប្រភព ៖ NewsStarsTime
