នៅប៉ុន្មានឆ្នាំចុងក្រោយនេះ ដោយសារតែទីផ្សារហាងកាហ្វេក្នុងប្រទេសចិន មានការប្រកួតប្រជែងខ្លាំងសឹងតែគ្រប់ហាង ធ្វើឲ្យម្ចាស់ហាងកាហ្វេមួយចំនួនបានប្រើការផ្សំដ៏ចម្លែក និង រសជាតិថ្មី ដើម្បីទាក់ទាញអ្នកផឹកកាហ្វេ។
ជាមួយគ្នានេះដែរ នៅក្នុងប្រទេសចិនដីគោកកាហ្វេមួយចំនួនត្រូវបានផលិតឡើងតាមរូបមន្តចម្លែក ដែលមើលទៅមិនដឹងថាឆ្ងាញ់ត្រង់ណាទេ ប៉ុន្តែបែរជាទទួលបានការចាប់អារម្មណ៍ជាច្រើនទៅវិញ។
យោងតាមគណនី Instagram មួយដែលបានផុស latte ដ៏ចម្លែកជាច្រើនត្រូវបានបង្កើតឡើងមានដូចជា Century egg latte , octopus latte or oysters in Americano និង scallion latte។
យ៉ាងណាមិញ កាលពីថ្ងៃកាលពីថ្ងៃទី ១២ ខែ មិថុនា កន្លងទៅនេះ តារាចម្រៀងតៃវ៉ាន់ Jolin Tsai បានសាកល្បងរសជាតិកាហ្វេដ៏ចម្លែកនេះ ក្រោយពេលទទួលបានការណែនាំពីម្ចាស់ហាង។ បន្ទាប់ពីនាងបានផឹកឡាតេមួយកែវនោះ នាងក៏លែងមានស្នាមញញឹម ទឹកមុខឡើងក្រហមខ្លាំង និងបង្ហាញការខ្ពើមរអើម។
ជាចុងក្រោយ តារាចម្រៀងតៃវ៉ាន់រូបនោះបាននិយាយថា មនុស្សពេលខ្លះគឺចម្លែកណាស់ ចូលចិត្តតែរបស់ប្លែក រសជាតិថ្មី ទោះបីជាដឹងថាវាទទួលយកមិនបានក៏ដោយ ដូច្នេះ Jolin Tsai សូមសរសើរអ្នកដេលអាចទទួលយករសជាតិនេះបាន។
ប្រភព : Asian One News & CNA
