ថ្មីៗនេះ អ្នកគាំទ្រ BTS មានការភ្ញាក់ផ្អើល ជាមួយដំណឹងដ៏រំភើបមួយទៀតដែលទន្ទឹងរង់ចាំជាយូរមកហើយ ដោយ Disney+ បានប្រកាសពីការចេញផ្សាយនាពេលខាងមុខនៃ ‘Are You Sure?!’ ដែលជាការបង្ហាញពីដំណើរកម្សាន្តមុនការចុះឈ្មោះមិនអាចបំភ្លេចបានរបស់ Jimin និង Jungkook គ្រោងនឹងចាក់បញ្ចាំងនៅថ្ងៃទី 8 ខែសីហាខាងមុខនេះ ។
Are You Sure?!’ ជាការចាប់យកដំណើរដ៏រស់រវើក និងមិនអាចទាយទុកជាមុនបានរបស់សមាជិក BTS Jimin និង Jungkook ក្នុងឆ្នាំ 2023 អ្នកទាំងពីរបានចាប់ផ្តើមដំណើរផ្សងព្រេងដែលមិនអាចបំភ្លេចបាន ដើម្បីបង្កើតអនុស្សាវរីយ៍ល្អៗមុនពេលចូលបម្រើយោធា ដោយធ្វើដំណើរទៅកាន់គោលដៅនានារួមមាន សហរដ្ឋអាមេរិក កោះ Jeju ក្នុងប្រទេសកូរ៉េខាងត្បូង និងទីក្រុង Sapporo ប្រទេសជប៉ុនផងដែរ។
គួរបញ្ជាក់ផងដែរថាស៊េរីនេះមានប្រាំបីភាគ ដោយបង្ហាញ Jimin និង Jungkook បង្កើតស្នាមញញឹម សើចពេលជជែកគ្នា និងបង្កើតអនុស្សាវរីយ៍ដ៏មានតម្លៃ យ៉ាងពេញលេញជាមួយការធ្វើដំណើររបស់ពួកគេ។
មិនតែប៉ុណ្ណោះ អ្នកទាំងពីរមានភាពរីករាយក្នុងជីវិតប្រចាំថ្ងៃបែបនេះ ព្រមទាំងចូលរួមក្នុងសកម្មភាពប្លែកៗដូចជាការបោះជំរុំ ការជិះទូកកាណូ និងការធ្វើដំណើរតាមផ្លូវ ដែលអាចធ្វើទៅបានតែក្នុងអំឡុងពេលធ្វើដំណើររបស់ពួកគេ។
ប្រភព ៖ AllKpop
