ថ្មីៗនេះ Kim Ji-won កំពុងទទួលបានការចាប់អារម្មណ៍យ៉ាងខ្លាំង ក្នងកំឡុងពេលធ្វើកម្មវិធី Fan Meeting ដោយសារតែ តារាស្រីរូបនេះបានបង្ហាញជំនាញ ច្រៀង រ៉េប និង រាំយ៉ាងស្ទាត់ជំនាញ ធ្វើឲ្យអ្នកគាំទ្រលាន់មាត់សរសើរចំពោះតារាស្រីនេះមិនដាច់ពីមាត់។
គួររំលែកផងដែរថា មុនពេលក្លាយជាតារាសម្ដែង Kim Ji-won ក៏ធ្លាប់បានហ្វឹកហាត់ធ្វើជា Idol មួយរូបផងដែរ ប៉ុន្តែក៏បោះបង់ចោលវិញ។
លើសពីនេះ ការចាប់អារម្មណ៍ និង សម្លេងហោរពីអ្នកគាំទ្រក៏បានផ្ទុះឡើង ស្របពេលដែល Kim Ji-won បញ្ចេញការច្រៀងរ៉េបដ៏ខ្លាំងរបស់នាងក្នុងបទ “My House” (2PM) និង មានច្រៀងដ៏ផ្អែមល្ហែមជាមួយនឹងបទ “Only” (Lee Hi) ផងដែរ។
មិនយូរប៉ុន្មាន វីដេអូនេះបានសាយភាយល្បីពេញបណ្ដាញសង្គមយ៉ាងឆាប់រហ័ស ធ្វើឲ្យប្រជាប្រិយរបស់តារាស្រីរូបនេះបានកើនឡើងបន្ថែមទៀត និង អ្នកគាំទ្រជាច្រើនបានហៅនាងថា “Jessica K” ដែលត្រូវបានដឹងថាជា Nickname របស់ Kim Ji-won ក្នុងអំឡុងពេលហ្វឹកហាត់ជា Idol របស់នាង។
ទន្ទឹមនឹងនេះ Kim Ji-won បានបង្ហាញខ្លួនជាសាធារណៈលើកដំបូងតាមរយៈ MV “Lollipop 2” ជាមួយ BIGBANG ក្នុងឆ្នាំ 2010 និង ជាចំណុចរបត់មួយដែលធ្វើឱ្យ Kim Ji-won ល្បីពេញប្រទេសកូរ៉េ និងទទួលបានតួនាទីសម្តែងដំបូងរបស់នាង។
ប្រភព ៖ AllKpop
