ថ្មីៗនេះ Crystal Fung បង្ហើបពីមូលហេតុដែលខ្លួនបានបែកគ្នាជាមួយអតីតសង្សាតាមពិត ក្រោយពីបានបែកបែកគ្នាជាមួយនឹងអតីតសង្សារបស់ខ្លួន Crystal Fungមិនទាន់មានស្នេហាឡើយទេ ដោយសារតែនាងចង់នៅម្នាក់ឯងសិន។ ប៉ុន្តែក្រោយមក តារាសម្តែងស្រីបានចែករំលែករឿងរ៉ាវខ្លះដែលកើតឡើងចំពោះនាងដែលធ្វើឲ្យទំនាក់ទំនងរយៈពេល ៤ឆ្នាំរបស់នាងត្រូវបានបញ្ចប់។
លើសពីនេះ នៅកំឡុងពេលប្រកួតបវរ Crystal បានចែករំលែកថា តាមពិតទៅ ទោះបីជាស្ថិតក្នុងដំណាក់កាលទាក់ទងគ្នា យល់ចិត្តគ្នាយ៉ាងណា ក៏គូស្នេហ៍មួយគូនេះបានបញ្ចប់ទំនាក់ទំនងស្នេហារយៈពេល 4 ឆ្នាំរបស់ពួកគេ ដោយសារតែពាក្យចចាមអារ៉ាមថា ឈុតឆាកស្និទ្ធស្នាលរបស់ Crystal ក្នុងរឿង The Man Who Kills Troubles ជាមួយដៃគូសម្តែងក៏ជាមូលហេតុដែលនៅពីក្រោយការបែកគ្នាដែរ។
ប៉ុន្តែ Crystal Fung បានបដិសេធរឿងនេះហើយនិយាយថា “វាមិនមែនទេ! ផ្ទុយទៅវិញ ខ្ញុំស្ទាក់ស្ទើរចំពោះឈុតនោះជាខ្លាំង ព្រោះវាជាលើកទីមួយរបស់ខ្ញុំដែលថតឈុតស្និទ្ធស្នាលគ្នាបែបនេះ ដូច្នេះខ្ញុំមានអារម្មណ៍ភ័យ និងអៀនខ្មាសខ្លាំងណាស់ដែរ»។
បន្ទាប់មក Crystal ពន្យល់ថា “មុនពេលចូលប្រឡូកក្នុងវិស័យនេះ ខ្ញុំមានភាពឆោតល្ងង់ និងមានគំនិតសាមញ្ញមួយ ដោយគិតថាវាល្អ ក្នុងការបើកចំហរអំពីទំនាក់ទំនងរបស់ខ្លួន ដែលអាចធ្វើឲ្យខ្ញុំស្ងប់ចិត្ត និង ធ្វើឲ្យមិត្តប្រុសខ្ញុំ មានអារម្មណ៍សុវត្ថិភាពជាងមុន។
ប៉ុន្តែបន្តិចម្តងៗ ខ្ញុំបានដឹងថា រឿងទាំងនេះបាននាំឱ្យគាត់មានសម្ពាធ ពីមិត្តរួមការងារ គ្រួសារ និងមិត្តភ័ក្តិរបស់គាត់ ។ ជាមួយនឹងបរិយាកាសសង្គម និង សម្ពាធពីមនុស្សជុំវិញខ្លួនជាញឹកញាប់ពេក នោះធ្វើឲ្យទំនាក់ទំនងរបស់យើងកាន់តែឃ្លាតឆ្ងាយ និង មិនចុះសម្រុងនឹងគ្នាដូចមុនសោះ ដែលធ្វើឲ្យពួកយើងឈានដល់ការបែកផ្លូវគ្នា។ ប៉ុន្តែ crystal fung បានលើកឡើងថា ប៉ុន្តែខ្ញុំមិនស្តាយតក្រោយទេ ព្រោះខ្ញុំពេញចិត្តអ្វីដែលជាខ្ញុំក្នុងឥឡូវនេះ និងគ្រប់ការងារដែលខ្ញុំធ្វើ។
ដូច្នេះហើយទើបខ្ញុំសម្រេចចិត្តថា នៅម្នាក់ឯងមិនព្រមទទួលយកស្នេហា ព្រោះខ្ញុំគិតថាគ្មាននរណាម្នាក់អាចយល់ពីខ្ញុំជាជាងខ្លួនរបស់ខ្ញុំឡើយ។ គួរបញ្ជាក់ដែរថា តាំងពីបញ្ចប់ទំនាក់ទំនង ហើយចាប់ផ្តើមនៅម្នាក់ឯងមក តារាស្រីរូបនេះ ត្រូវបានគេ ឃើញផ្លាស់ទៅផ្ទះធំជាងមុន និងមានកាបូប brand brand ច្រើន។
ប៉ុន្តែ crystal fung នេះបានបញ្ជាក់ថា ថា៖ «ការផ្លាស់ប្តូរផ្ទះ គឺមកពីខ្ញុំចង់ត្រឡប់មកនៅជាមួយគ្រួសារវិញ ហើយកាបូប brand អីហ្នឹងជារបស់ដែលខ្ញុំទិញដើម្បីផ្តល់រង្វាន់ដល់ខ្លួនឯងជាការលើកទឹកចិត្ត ដែលអាជីពរបស់ខ្ញុំដំណើរការបានល្អ»។
