នៅថ្ងៃទី 30 ខែវិច្ឆិកា កន្លងទៅ Han So Hee បានចូលរួមក្នុងការជជែក នៅក្នុងក្រុមរបស់អ្នកគាំទ្ររបស់នាង នៅលើកម្មវិធីផ្ញើសារដ៏ពេញនិយមមួយ ដែលនៅថ្ងៃនោះ Han So Hee បានបង្ហើបប្រាប់អ្នកគាំទ្រថា ហេតុអ្វីបានជានាងមិនរៀបចំកម្មវិធីជួបជុំ អ្នកគាំទ្រនាពេលឆាប់ៗនេះ។
“ខ្ញុំចង់ជួបអ្នកទាំងអស់គ្នា ប៉ុន្តែមានមនុស្សជាច្រើនទៀត បានស្គាល់ខ្ញុំក្នុងនាមជាតារាមែនទេ? ខ្ញុំចង់រៀបចំកម្មវិធីជួបជុំអ្នកគាំទ្រ នៅពេលដែលខ្ញុំអាចហៅខ្លួនឯងថា ជាតារាសម្តែងដ៏ល្អម្នាក់ដោយមោទនភាព។ ខ្ញុំមិនចង់ធ្វើកម្មវិធីជួបជុំអ្នកគាំទ្រ ដោយសារតែខ្ញុំល្បីល្បាញនោះទេ ខ្ញុំមិនចង់ឲ្យអ្នករាល់គ្នាចំណាយប្រាក់នោះទេ”។
បន្ទាប់មក តារាស្រីរូបនេះបានលើកឡើង ពីពាក្យចចាមអារ៉ាមអំពីការវះកាត់កែសម្ផស្ស ដែលបានកើតឡើងបន្ទាប់ពីនាងបង្ហើបថា នាងបានធ្វើការវះកាត់លើច្រមុះរបស់នាង សម្រាប់ជំងឺរលាកច្រមុះ “ខ្ញុំមានការព្រួយបារម្ភ ព្រោះការហើមពីការវះកាត់របស់ខ្ញុំ នៅមិនទាន់ស្រកចុះ អ្នកទាំងអស់គ្នា ខ្ញុំមិនបានលើកច្រមុះរបស់ខ្ញុំដោយស៊ីលីកុន ឬអ្វីដូចនោះទេ។ ច្រមុះរបស់ខ្ញុំកាន់តែខ្ពស់បន្ទាប់ពី (គ្រូពេទ្យ) ជួសជុលវាឱ្យត្រង់ ច្រមុះរបស់ខ្ញុំកោង”។
ទន្ទឹមនឹងនេះ ខ្សែភាពយន្តភាគ Netflix ដែលរំពឹងទុកច្រើនរបស់ Han So Hee បានបង្ហាញខ្លួនជាលើកដំបូងតាមរយៈវេទិកាផ្សាយនៅថ្ងៃទី 22 ខែធ្នូ ខាងមុខ។
ប្រភព៖ Koreaboo
