កាលពីថ្ងៃទី 21 ខែសីហា កន្លងទៅ តារាសម្ដែង Han Ye Seul បានបង្ហោះវីដេអូមួយ នៅលើគណនីប្រព័ន្ធផ្សព្វផ្សាយសង្គមរបស់នាង ជាមួយនឹងចំណងជើងថា “ខ្ញុំកំពុងបន្តហាត់ប្រាណ” ។
នៅក្នុងវីដេអូ Han Ye Seul ត្រូវបានគេមើលឃើញថា ផ្តោតទៅលើលំហាត់ប្រាណផ្នែកខាងលើ។ ស្លៀកពាក់ក្នុងឈុតហាត់ប្រាណ នាងត្រូវបានគេបង្ហាញដោយប្រើឧបករណ៍ សម្រាប់ហ្វឹកហាត់កម្លាំង ដោយមានសាច់ដុំខ្នង ទាក់ទាញចំណាប់អារម្មណ៍អ្នកមើល។
គួររំលឹកផងដែរថា ពីមុន Han Ye Seul បានធ្វើឲ្យមានចំណងជើងម្តង នៅពេលនាងបង្ហាញពីកម្ពស់ និងទម្ងន់ ១៦៨ សង់ទីម៉ែត្រ និង ៤៨ គីឡូក្រាម។ នាងបានទាក់ទាញការកោតសរសើរជាបន្តបន្ទាប់ ចំពោះរាងកាយដែលបានថែរក្សាយ៉ាងល្អរបស់នាង។ ហើយជាថ្មីម្តងទៀត នាងបានចែករំលែកព័ត៌មានថ្មីមួយ បង្ហាញពីការថែទាំខ្លួនយ៉ាងឧស្សាហ៍ព្យាយាមរបស់នាង។
ជាមួយគ្នានេះដែរ កាលពីខែឧសភា Han Ye Seul បានចុះសំបុត្រអាពាហ៍ពិពាហ៍ ជាមួយតារាសម្ដែងដែលមានវ័យក្មេងជាងនាង ១០ ឆ្នាំ។ ចាប់តាំងពីពេលនោះមក នាងបានធ្វើការទំនាក់ទំនងយ៉ាងសកម្ម ជាមួយអ្នកគាំទ្ររបស់នាងតាមរយៈ Channel YouTube និងបណ្តាញសង្គម ដោយចែករំលែកព័ត៌មានថ្មីៗអំពីជីវិតរបស់នាង។
ប្រភព៖ Allkpop
