នៅថ្ងៃទី 20 ខែសីហា KST អ្នកតំណាងមកពី ‘Review N Cut’ របស់ JTBC4 បានបញ្ជាក់ប្រាប់ News1 ថា “Hani បានដកខ្លួនចេញពីកម្មវិធីដោយស្ម័គ្រចិត្ត”។ ការសម្រេចចិត្តចុះចេញពីតំណែងរបស់ Hani ហាក់មានឥទ្ធិពល ដោយភាពចម្រូងចម្រាសជុំវិញគូដណ្តឹង ពេទ្រផ្លូវចិត្ត និងអ្នកផ្សាយ Yang Jae Woong។
គូស្នេហ៍មួយគូនេះបានទាក់ទងគ្នាដោយបើកចំហតាំងពីឆ្នាំ២០២២ ហើយគ្រោងនឹងរៀបការនៅខែកញ្ញា។ ទោះបីជាយ៉ាងណាក៏ដោយ មានពាក្យចចាមអារ៉ាមអំពីពិធីមង្គលការ ត្រូវបានពន្យារពេលបន្ទាប់ពីការលាតត្រដាង នៃឧប្បត្តិហេតុមួយនៅក្នុងខែឧសភា ដែលស្ត្រីអាយុ 36 ឆ្នាំម្នាក់បានស្លា.ប់ 17 ថ្ងៃបន្ទាប់ពីបានចូលមន្ទីរពេទ្យផ្លូវចិត្ត នៅទីក្រុង Bucheon ខេត្ត Gyeonggi ដែល Yang មានតួនាទីជានាយក។
មូលហេតុនៃការស្លា.ប់របស់ស្ត្រីរូបនេះ ត្រូវបានគេសង្ស័យថាជា «ការស្ទះបំពង់ខ្យល់» ។ ក្រុមគ្រួសារសពបានអះអាងថា “ជាក់ស្តែងពោះរបស់នាងហើមខុសពីធម្មតា ហើយនាងគួរតែបញ្ជូនទៅមន្ទីរពេទ្យ ប៉ុន្តែនាងត្រូវបានចងភ្ជាប់នៅក្នុងបន្ទប់ឯកជន ហើយបានត្រឹមតែផ្តល់ថ្នាំព្យាបាលរហូតដល់ស្លា.ប់”។
នៅថ្ងៃទី 29 ខែកក្កដា KST លោក Yang Jae Woong បាននិយាយអំពីស្ថានភាព តាមរយៈភ្នាក់ងាររបស់គាត់ Mystic Story ដោយនិយាយថា “ឧប្បត្តិហេតុបានកើតឡើងនៅមន្ទីរពេទ្យ ដែលខ្ញុំបម្រើការជានាយក ហើយខ្ញុំយកចិត្តទុកដាក់យ៉ាងខ្លាំង ចំពោះបញ្ហានេះ។ មន្ទីរពេទ្យកំពុងសហការយ៉ាងពេញលេញ ជាមួយភ្នាក់ងារខាងក្រៅដោយ ការផ្តល់កំណត់ត្រាវេជ្ជសាស្រ្ត រូបភាព CCTV នៃស្ថានភាព និងច្រើនទៀត។ លោកបានបន្ថែមថា “ទាំងខ្លួនខ្ញុំផ្ទាល់ និងក្រុមគ្រូពេទ្យទាំងមូលនឹងសហការយ៉ាងពេញលេញជាមួយនឹងការស៊ើបអង្កេតដែលកំពុងបន្ត ហើយនឹងបំពេញនូវទំនួលខុសត្រូវរបស់យើងដោយផ្អែកលើការវិនិច្ឆ័យផ្នែកវេជ្ជសាស្រ្ត និងផ្លូវច្បាប់”។
ទន្ទឹមនឹងនេះ ‘Review N Cut’ ដែល Hani បានដកខ្លួនចេញ ត្រូវបានកំណត់ឱ្យចាក់ផ្សាយនៅថ្ងៃទី 12 ខែសីហា KST ប៉ុន្តែត្រូវបានពន្យារពេលទៅថ្ងៃចាក់បញ្ចាំងថ្មីនៅថ្ងៃទី 2 ខែកញ្ញា KST ។
