Jin សមាជិកក្រុម BTS ត្រូវបានរំសាយចេញពីជួរកងទ័ពនាពេលថ្មីៗនេះ ហើយមុននេះ គាត់ត្រូវបានគេប្រទះឃើញនៅក្នុងពិធីមង្គលការរបស់បងប្អូនជីដូនមួយរបស់គាត់ នៅថ្ងៃទី 6 ខែកក្កដា ឆ្នាំ 2024។ ភ្ញៀវក្នុងពិធីមង្គលការមានការភ្ញាក់ផ្អើល នៅពេលឃើញ Jin នៅទីនោះ។
ពួកគេបានថតរូបតារាប្រុសរូបនេះមួយចំនួន ដែលនៅទីបំផុតបានធ្វើឱ្យមានការចាប់អារម្មណ៍ខ្លំាង នៅលើអ៊ីនធើណែត។ គាត់ត្រូវបានគេមើលឃើញថាកំពុងចាប់យកអាហារ នៅក្នុងជួរអាហារប៊ូហ្វេ។ ពិធីមង្គលការនៅប្រទេសកូរ៉េខាងត្បូង ជាធម្មតាផ្តល់អាហារប៊ូហ្វេដល់ភ្ញៀវ។
គាត់ស្លៀកសម្លៀកបំពាក់ស្អាត តែមិនសូវលេចធ្លោពេកទេ ដោយសក់របស់គាត់បែបសាមញ្ញ តែមើលទៅសមស្អាត និងក្មេងជាងវ័យ។ អ្នកនិយមលេងអ៊ីនធើណែតដែលបានបង្ហោះរូបមួយសន្លឹកនេះ បានអះអាងថាមិត្តភក្តិរបស់ពួកគេបានផ្ញើវាទៅឲ្យពួកគេ។
Jin ក៏ត្រូវបានគេថតវីដេអូអង្គុយក្បែរបងប្អូនជីដូនមួយរបស់គាត់ ដើម្បីថតរូបផងដែរ។ អាកប្បកិរិយាដ៏ល្អឥតខ្ចោះរបស់គាត់ ត្រូវបានកត់សម្គាល់យ៉ាងងាយផងដែរ។
ប្រភព៖ Koreaboo
