នៅក្នុងវគ្គដំបូង នៃកម្មវិធីថ្មីរបស់ JTBC ‘My Name Is Gabriel’ តារាសម្តែង Park Bo Gum បានចាប់ផ្តើមជីវិតថ្មីរបស់គាត់ ក្នុងនាមជាមនុស្សផ្សេងគ្នានៅទីក្រុង Dublin ប្រទេសអៀរឡង់។ ទីមួយ មុនពេលត្រូវបានគេចាត់ឱ្យចូលជីវិតថ្មី Park Bo Gum បានបើកចំហអំពីជីវិតផ្ទាល់ខ្លួន ក្នុងពេលសម្ភាសជាមួយក្រុមផលិតកម្ម។
គាត់និយាយថា “ពេលខ្ញុំត្រូវបានគេអញ្ជើញឱ្យចូលរួម ក្នុងកម្មវិធីនេះដំបូង ខ្ញុំស្ទាក់ស្ទើរ ប៉ុន្តែពេលនោះខ្ញុំគិតថាវាមិនខុសពីការសម្ដែងទេ ក្នុងនាមខ្ញុំជាតារាសម្តែង ខ្ញុំតែងតែរស់នៅជាមួយមនុស្សផ្សេងៗគ្នា។ ត្រូវបានគេប្រាប់ថា Park Myung Soo ក៏នឹងចូលរួមក្នុងកម្មវិធីនេះដែរ ដូច្នេះខ្ញុំក៏ឆ្លើយថាបាទ”។ បន្ទាប់មក Park Bo Gum ត្រូវបានគេសួរថា “តើអ្នកគិតថា អ្នកនឹងមានជីវិតបែបណាប្រសិនបើអ្នកមិនមែន Park Bo Gum?” ឮដូច្នេះតារារូបនេះបានឆ្លើយថា “បើខ្ញុំមិនបានរស់នៅក្នុងជីវិតបច្ចុប្បន្នទេ… ខ្ញុំមិនមែនជាតារាសម្ដែងទេ ប៉ុន្តែទោះជាយ៉ាងណា… ខ្ញុំគិតថាខ្ញុំនឹងរកឃើញពេលវេលា នៃសុភមង្គលក្នុងជីវិតនោះដែរមែនទេ?” ហើយស្រក់ទឹកភ្នែកតែម្តង។
ក្រោយមក Park Bo Gum បានមកដល់ទីក្រុង Dublin ហើយត្រូវបានផ្តល់ភារកិច្ចឱ្យរស់នៅក្នុងជីវិត ជាប្រធានក្រុម cappella រយៈពេល 72 ម៉ោង។ តារាសម្តែងបានទទួលការណែនាំភ្លាមៗ សម្រាប់គ្រប់ទិដ្ឋភាពនៃជីវិតរបស់គាត់ ដូចជាអ្វីដែលគាត់គួរញ៉ាំ កន្លែងដែលគាត់គួរទៅ និងរបៀបដែលគាត់គួរប្រាស្រ័យទាក់ទងជាមួយអ្នកដទៃ។ នៅពេលដែលគាត់បានឈានជើងចេញទៅតាមផ្លូវនៃទីក្រុង Dublin, Park Bo Gum បានសង្កេតថា “គ្មាននរណាម្នាក់មើលមកខ្ញុំ នៅពេលខ្ញុំដើរកាត់នោះទេ។ ពួកគេទាំងអស់គ្រាន់តែធ្វើកិច្ចការរបស់ពួកគេ ហើយនោះធ្វើឱ្យខ្ញុំរំភើបចិត្ត” ។
ជាពិសេស Park Bo Gum មានការភ្ញាក់ផ្អើលដែលដឹងថាក្រុម cappella របស់គាត់មានទំហំធំ ហើយគាត់ត្រូវរៀបចំសម្រាប់ការសម្តែងតាមផ្លូវ ជាមួយក្រុមក្នុងរយៈពេលពីរថ្ងៃ។ ជាមួយគ្នានេះដែរ នៅក្នុងវគ្គនេះផងដែរ តារាកំប្លែង Park Myung Soo បានចាប់ផ្តើមជីវិតថ្មីរបស់គាត់ សម្រាប់រយៈពេល 72 ម៉ោងបន្ទាប់នៅទីក្រុងឈៀងម៉ៃ ប្រទេសថៃ។
ប្រភព៖ Allkpop
