ថ្មីៗនេះ អ្នកគាំទ្របានដឹងដំណឹងថា Sanha សមាជិកក្រុម ASTRO, Arin សមាជិក OH MY GIRL និង Chuu កំពុងតែពិភាក្សាគ្នាដើម្បីចូលរួមសម្តែងក្នុងរឿង K-Drama នាពេលខាងមុខ ក្រោមចំណងជើងថា My Girlfriend Is A Tough Man។
មិនតែប៉ុណ្ណោះ យោងតាមរបាយការណ៍ផ្តាច់មុខពី JTBC Sanha, Arin និង Chuu នឹងជួបគ្នាជាតួសម្តែងក្នុងរឿង K-Drama ដែលកែសម្រួលតាម webtoon ហើយ ភ្នាក់ងាររបស់ពួកគេទាំងបីក៏បានបញ្ជាក់ប្រាប់ដល់ JTBC ថា ពួកគេបានទទួលសំណើរសម្រាប់ K-Drama មួយនេះផងដែរ។
លើសពីនេះទៅទៀត តារាទាំងបីរូបនេះ ក៏ធ្លាប់មានបទពិសោធន៍ចំពោះ K-Drama ពីមុនមកដែរ ដោយ Sanha បង្ហាញខ្លួនក្នុងរឿង Crazy Love, Love Formula 11M និង Your Playlist, Arin បង្ហាញខ្លួនក្នុង K-Dramas Alchemy of Souls and The World of My 17 និង Chuu បង្ហាញខ្លួនក្នុង web-drama Dating Class។
ទន្ទឹមនឹងនេះ រឿងMy Girlfriend Is A Tough Man គឺជាខ្សែភាពយន្តបែបមនោសញ្ចេតនា ដែលនិយាយអំពីបុរសម្នាក់មានមិត្តស្រី ហើយសុខៗមិត្តស្រីស្រាប់តែក្លាយជាមនុស្សប្រុស បន្ទាប់មកទំនាក់ទំនងកាន់តែរញ៉េរញ៉ៃនឹកស្មានមិនដល់។
ប្រភព ៖ Koreaboo
