នៅថ្ងៃទី 4 ខែមិថុនា Suzy បានអង្គុយជាមួយ Wikitree សម្រាប់បទសម្ភាសន៍ មុនការចេញផ្សាយខ្សែភាពយន្ត “Wonderland” របស់នាង ។
គួររំលឹកផងដែរថា Suzy ដែលបានបង្ហាញខ្លួនជាសមាជិកក្រុមចម្រៀងស្រី JYP Entertainment Miss A ក្នុងឆ្នាំ 2010 បានចាប់ផ្ដើមសម្ដែងតាមរយៈរឿងភាគ KBS2 ‘”Dream High Season 1” នៅឆ្នាំបន្ទាប់។ បន្ទាប់ពីក្រុមនេះត្រូវបានរំសាយនៅឆ្នាំ 2017 នាងក៏បានបន្តអាជីពច្រៀងទោល ប៉ុន្តែបានផ្លាស់ប្តូរការផ្តោតអារម្មណ៍ភាគច្រើនរបស់នាងទៅលើការសម្តែងវិញ។
Suzy បានប្រាប់ថា ការពេញចិត្តរបស់នាងក្នុងជីវិតជាតារាសម្ដែង នាពេលបច្ចុប្បន្នគឺមានកម្រិតខ្ពស់ បើធៀបនឹងថ្ងៃដែលនាងជាតារាចម្រផង។ នាងបាននិយាយថា «កាលនៅក្មេង ខ្ញុំអត់មានការលំហែទេ ហើយវាមានការប្រកួតប្រជែងជាងមុន ខ្ញុំខ្វះឱកាសក្នុងការគិតពីជីវិតរបស់ខ្ញុំ ឬមើលពីទស្សនៈផ្សេង ដូច្នេះខ្ញុំមានអារម្មណ៍ថាកាលពីមុនគឺពិបាកជាងពេលនេះ ឥឡូវនេះខ្ញុំមានពេលវេលាសម្រាក ដើម្បីមើលជីវិតរបស់ខ្ញុំច្រើនជាងពេលនោះទៅទៀត ដូច្នេះការពេញចិត្តរបស់ខ្ញុំ គឺខ្លាំងជាងមិនអាចប្រៀបផ្ទឹមបាន។
ទន្ទឹមនឹងនេះ រឿង ‘Wonderland’ នឹងចាក់បញ្ចាំងនៅរោងភាពយន្ត ក្នុងប្រទេសកូរ៉េនៅថ្ងៃទី 5 ខែមិថុនា នេះ។
ប្រភព៖ Allkpop
