ថ្មីៗនេះ ក្នុងរយៈពេលប៉ុន្មានឆ្នាំចុងក្រោយនេះ Venus Wong បានកំពុងរីកចម្រើនយ៉ាងឆាប់រហ័សក្នុងអាជីពរបស់នាង ខណៈដែលនាងព្យាយាមបំបាត់ពាក្យចចាមអារ៉ាមថា ភាពល្បីរបស់នាងបានមកពីសម្រស់របស់នាង។ ប៉ុន្តែ អ្វីដែលកាន់តែធ្វើឲ្យតារាស្រីរូបនេះ លេចធ្លោបន្ថែមនោះ គឺនាងបានសម្តែងក្នុងរឿង The Spectator របស់ TVB 2023 ដែលនាងដើរតួជាប៉ូលីសស្រី ដែលបានបង្កើតទំនាក់ទំនងដ៏ជូរចត់ជាមួយឃាតករម្នាក់ដែលសម្តែងដោយ Pakho Chau ចង់ដឹងសាច់រឿងបែបណាអ្នកទាំងអស់គ្នាអាចចូលមើលបាន។
បន្ថែមពីនេះ តារាស្រីម្នាក់នេះ ក៏បានសាងប្រជាប្រិយភាពយ៉ាងប្រសើរឡើងក្នុងពេលតែប៉ុន្មានឆ្នាំនេះ ដោយនាងបានសម្តែងក្នុងរឿងធំៗជាច្រើនដូចជា Forensic Heroes វគ្គ៥ និង The Line Watcher ដែលជារឿងដែលពេញនិយមបំផុត។
Venus ដឹងហើយថា ប្រហែលអ្នកនិយមលេងអ៊ីនធឺណិតជាច្រើនគិតថា នាងគ្រាន់តែជាមុខមាត់ស្អាត ប៉ុន្តែសមត្ថភាពនៅមិនទាន់ដល់កម្រិត តែទោះជាយ៉ាងណា នាងមិនយល់ស្របថា តារាសម្ដែងមិនមែនត្រូវតែមានប្រជាប្រិយភាពដោយរូបរាងនោះទេ។
មិនតែប៉ុណ្ណោះ Venus ចែករំលែកថា ខ្ញុំរីករាយនឹងការក្លាយជាតារាសម្ដែងម្នាក់ដែលមានការគាំទ្រពីទស្សនិកជន ព្រោះនៅពីក្រោយតួឯក គឺបានហ្វឹកហាត់យ៉ាងលំបាក។
តារាស្រីរូបនេះក៏បានបន្ត ខ្ញុំសប្បាយចិត្តដែលពិភពខាងក្រៅទទួលស្គាល់រឿងមួយចំនួនដែលខ្ញុំសម្តែង ព្រោះខ្ញុំមិនមែនជាតារាសម្តែងដែលមានទេពកោសល្យខ្លាំងនោះទេ តែខ្ញុំត្រូវតែខិតខំប្រឹងប្រែងដើម្បីធ្វើការងារឲ្យបានល្អ តាមដែលខ្ញុំអាចធ្វើទៅបាន។»
