យោងតាមរបាយការណ៍របស់ Star News នៅថ្ងៃទី 31 ខែមករា តារាសម្ដែង Roh Yoon-seo នឹងបង្ហាញខ្លួនជាមួយមុខមាត់ថ្មី ក្នុងរដូវកាលទី ២ របស់ Netflix ក្នុងរឿង “All of Us Are Dead”
បន្ថែមពីនេះ ” All of Us Are Dead ” ត្រូវបានចេញផ្សាយក្នុងខែមករា ឆ្នាំ 2022 ដែលរឿងភាគនេះបានឈរនៅលំដាប់កំពូលនៅលើ Netflix និង ជាប់ចំណាត់ថ្នាក់លេខ 8 ក្នុងចំណោមរឿងភាគទូរទស្សន៍ដ៏ល្បីបំផុតនៅលើពិភពលោក ដែលជាស៊េរីរឿងកូរ៉េដែលមានអ្នកមើលច្រើនបំផុតនៅលើ Netflix បន្ទាប់ពី ” SquidGame” ។
លើសពីនេះ ដោយសារតែភាពជោគជ័យនៃរឿង “All of Us Are Dead” ក្រុមហ៊ុន Netflix ក៏បានបញ្ជាក់ពីការផលិតរដូវកាលទី 2 នៅខែមិថុនា ឆ្នាំ 2022 និងវត្តមាន Roh Yoon-seo ចូលរួមសម្តែងជាតួឯកស្រីថ្មី ដើម្បីបន្ថែមសាច់រឿង ក៏ដូចជាទិដ្ឋភាពថ្មីៗឲ្យកាន់តែជក់ចិត្ត ដិតអារម្មណ៍សម្រាប់អ្នកទស្សនាបន្ថែមទៀត។
ជាមួយគ្នានេះដែរ Park Ji-hoo, Yoon Chan-young, Jo Yi-hyun, Romon និង Yoo In-soo ទទួលបានប្រជាប្រិយភាពយ៉ាងខ្លាំង បន្ទាប់ពីសម្តែងក្នុងរឿង “All of Us Are Dead” ។ ចាប់តាំងពីពេលនោះមក តារាសម្តែងវ័យក្មេងទាំងនេះបានសកម្មក្នុងការងារជាច្រើនផងដែរ។
ប្រភព ៖ Kbizoom
