អតីតសមាជិកក្រុម EXO លោក Tao (ត្រូវបានគេស្គាល់ថាជា Huang Zitao) និងអតីតអ្នកហ្វឹកហាត់ SM Entertainment គឺ Xu Yiyang មកពី SM Rookies បានប្រកាសជាផ្លូវការ នូវទំនាក់ទំនងរបស់ពួកគេហើយ។
កាលពីថ្ងៃទី ១៤ ខែកក្កដា អ្នកទាំងពីរបានចាប់ផ្តើមទំនាក់ទំនង របស់ពួកគេនៅលើកម្មវិធីប្រព័ន្ធផ្សព្វផ្សាយសង្គមចិន Douyin។
នៅក្នុងការបង្ហោះដាច់ដោយឡែក ពួកគេបានចែករំលែករូបថតពីរបីសន្លឹក ដែលថតនៅឆ្នេរមួយ។ Yiyang បានដាក់ចំណងជើងលើរូបថតដែលកាន់ដៃគ្នាថា “សេចក្តីប្រាថ្នានៅពេលថ្ងៃលិច”។ ទន្ទឹមនឹងនោះ Tao បានបង្ហោះរូបភាពដ៏រ៉ូមែនទិករបស់ពួកគេ កំពុងឱនថើបដោយនិយាយយ៉ាងផ្អែមល្ហែមថា “សូមអោយពួកយើង ក្លាយជាខ្លួនឯងបែបនេះរហូត❤️”។
ទន្ទឹមនឹងនេះ ការប្រកាសរបស់ពួកគេបានធ្វើឱ្យអ្នកគាំទ្រ សប្បាយចិត្តដែលបានតាមដានដំណើរនៃទំនាក់ទំនង របស់ពួកគេ ដោយអ្នកគាំទ្រទាំងអស់បាននាំគ្នា សរសេរសារជូនពរ និងអបអរសាទរគ្រប់ៗគ្នា។
គួររំលឹកផងដែរថា Tao និង Yiyang បានជួបគ្នានៅផលិតកម្ម SM Entertainment កាលពីឆ្នាំ 2014 នៅពេលដែលនាងនៅជាសិក្ខាកាម ហើយគាត់បានបង្ហាញខ្លួនជាលើកដំបូង នៅក្នុងក្រុម EXO រួចហើយ។ បន្ទាប់ពីធ្វើការនៅប្រទេសកូរ៉េ ពួកគេបានត្រលប់ទៅប្រទេសចិនវិញ ដែលពួកគេបានចាប់ផ្តើមអាជីព ជោគជ័យនៅក្នុងឧស្សាហកម្មកម្សាន្តក្នុងស្រុក។
ប្រភព៖ Koreaboo
