Mandy Wong បានប្រកាសថានាង និង នាយកប្រតិបត្តិគ្រឿងអលង្ការ Anthony Chim បានរៀបការហើយ! គូស្នេហ៍មួយគូនេះមានទំនាក់ទំនងស្ថិរភាពអស់រយៈពេលមួយទសវត្សរ៍មកហើយ។
ថ្មីៗនេះ នៅក្នុងរូបថតអាពាហ៍ពិពាហ៍របស់គូស្នេហ៍របស់ខ្លួន Mandy Wong បានបង្ហាញពីសុភមង្គល និងស្នាមញញឹមយ៉ាងមានក្តីសុខរបស់ខ្លួន។ មិនតែប៉ុណ្ណោះ អមជាមួយរូបថតមានតែទម្រង់ចំហៀងរបស់កូនកំលោះ តារាស្រីវ័យ ៤០ ឆ្នាំរូបនេះ បានសរសេរថា “ខ្ញុំតែងតែជឿថា ខ្លួនឯងជានារីដែលមានសំណាងខ្លាំងណាស់ ព្រោះ ខ្ញុំតែងទទួលបានការស្រឡាញ់ថ្នាក់ថ្នមពីមនុស្សដែលស្រឡាញ់ខ្ញុំ! ពេលនេះយើងទាំងពីរអ្នកបានរៀបការហើយ! ខ្ញុំអរគុណអ្នកហើយដែលបំពេញវាឲ្យខ្ញុំ។
លើសពីនេះ នាងបានបានបញ្ជាក់ និងឆ្លើយតបទៅនឹងការសារព័ត៌មានថា «អរគុណអ្នករាល់គ្នាសម្រាប់ពរជ័យមួយនេះ តាមពិតទៅស្នេហានេះមកដល់ថ្ងៃនេះបានមិនមែនដោយសារតែមិត្តប្រុសរបស់នាងជាអ្នកមាននោះទេ ប៉ុន្តែមកពីយើងទាំងពីរតែងតែយល់ពីគ្នា និង មិនមែនគិតតែពីចង់បានផលប្រយោជន៍របស់ម្ខាងទៀតនោះទេ។ មិនតែប៉ុណ្ណោះ ពួកយើងតែងតែមានគម្រោងរៀបការជាមួយគ្នា និងមានគោលដៅរួមគ្នាសម្រាប់អនាគតរបស់ពួកយើង ហើយរីករាយនឹងជីវិតសាមញ្ញដែលយើងមាន នៅទីបំផុតយើងក៏បានធ្វើវាឲ្យក្លាយជាការពិត។
បន្ថែមពីនេះ មិត្តល្អរបស់ Mandy គឺ Elaine Yiu បានបង្ហាញក្តីរំភើបរបស់នាងថា “វាជាឱកាសដ៏រីករាយមួយដែលនាងពិតជារំភើបជំនួសមិត្តនាងជាខ្លាំង ប៉ុន្តែយ៉ាងណា ទីបំផុតមិត្តរបស់នាងបានរៀបការ និងស្វែងរកសុភមង្គលក្នុងជីវិតបានហើយ។
ប្រភព ៖ Jaynestar.com
