តារាសម្តែង Shim Hye Jin ភរិយារបស់តន្ត្រីករនិងអ្នកនិពន្ធ Yoon Sang ព្រមទាំងជាម្តាយរបស់សមាជិក RIIZE Anton កំពុងត្រៀមខ្លួន សម្រាប់ការវិលត្រលប់មកកាន់ ឧស្សាហកម្មកម្សាន្តកូរ៉េវិញ។
តារាស្រី បានបង្ហាញខ្លួនជាតួឯកក្នុងឆ្នាំ 1995 បានបង្ហាញខ្លួនក្នុងរឿងភាគដូចជា ‘Model’ របស់ SBS ‘Partner’ និងរឿងជាច្រើនទៀត។ ក្នុងឆ្នាំ 1998 នាងបានបង្ហាញខ្លួនជាតួឯកស្រី ក្នុង MV “As You Did” របស់ Yoon Sang ។ បន្ទាប់ពីទាក់ទងគ្នាបាន 4ឆ្នាំ Shim Hye Jin និង Yoon Sang បានរៀបការនៅឆ្នាំ 2002។
ភ្លាមៗបន្ទាប់ពីរៀបការរួច Shim Hye Jin និង Yoon Sang បានផ្លាស់ទៅរស់នៅសហរដ្ឋអាមេរិក។ ប្តីប្រពន្ធរូបនេះ មានកូនប្រុសពីរនាក់ ហើយកូនប្រុសច្បងរបស់ពួកគេគឺ Anton សមាជិកក្រុម RIIZE ។
ឥឡូវនេះ ដោយកំពុងរៀបចំសម្រាប់ការវិលត្រលប់ មកកាន់ឧស្សាហកម្មកម្សាន្តកូរ៉េវិញ បន្ទាប់ពីជាង 20 ឆ្នាំ Shim Hye Jin បានបង្ហាញភាពស្រស់ស្អាតឆើតឆាយរបស់នាង សម្រាប់រូបភាពជាមួយទស្សនាវដ្តី ‘@Style’ ។ នៅក្នុងបទសម្ភាសន៍របស់នាង តារាស្រីរូបនេះត្រូវបានគេសួរថា តើនាងមានអារម្មណ៍យ៉ាងណា បន្ទាប់ពីបានមើលកូនប្រុសរបស់នាង ឡើងឆាកក្នុងនាមជាតារា K-Pop ។
Shim Hye Jin បានរំឮកថា “នៅពេលដែលខ្ញុំបានឃើញគេ ខ្ញុំគិតថា នេះពិតជាកូនប្រុសរបស់ខ្ញុំមែនឬ?” ជុំវិញគម្រោងនឹងបន្តសកម្មភាពនេះ តារាស្រីរូបនេះបានប្រាប់ថា “បើមានអ្វីដែលខ្ញុំអាចធ្វើបាន ខ្ញុំរីករាយនឹងសាកល្បង” ។
ប្រភព៖ Allkpop
