នៅថ្ងៃទី 24 ខែកក្កដា KARA គ្រោងនឹងចេញបទចម្រៀងឌីជីថលថ្មី “I Do, I Do” ដែលមានសមាជិកប្រាំនាក់ជាក្រុម ហើយកាលពីថ្ងៃទី 16 ខែកក្កដា កន្លងទៅ ក្រុមនេះបានចេញបទចម្រៀងមួយមុន ដែលមានចំណងជើងថា “Hello”។
“Hello” ត្រូវបានគេគ្រោងចេញកាលពីឆ្នាំ 2013 ក្នុងអាល់ប៊ុម Full Bloom របស់ KARA។ Goo Hara បានថតបទចម្រៀងទោលជាភាសាជប៉ុន សម្រាប់អាល់ប៊ុមទោល Midnight Queen របស់នាងក្នុងឆ្នាំ 2019។ សំឡេងរបស់ Hara ត្រូវបានបញ្ចូល ទៅក្នុងកំណែនៃបទចម្រៀងនេះ ជាភាសាកូរ៉េតាមរយៈការថត ដែលបានថតកាលពីមុន ដែលនេះបានធ្វើឲ្យអ្នកគាំទ្ររំភើបជាខ្លាំង។
គួររំលឹកផងដែរថា Goo Hara បានចូលរួមជាមួយ KARA ក្នុងឆ្នាំ 2008 ហើយសកម្មរហូតដល់ការឈប់សម្រាករបស់ក្រុម បានចាប់ផ្តើមនៅឆ្នាំ 2016។ ជាអកុសល នាងបានបាត់បង់ជីវិតនៅឆ្នាំ 2019 បន្ទាប់ពីបញ្ចប់ដំណើរកម្សាន្ត នៅប្រទេសជប៉ុន។
នៅមិនទាន់អស់ កាលពីដើមឆ្នាំនេះ តួនាទីពិតរបស់តារាស្រីរូបនេះ ក្នុងការជួយលាតត្រដាងតារាល្បីៗ ពាក់ព័ន្ធនឹងរឿងអាស្រូវ Burning Sun ត្រូវបានបង្ហាញដែលនាំឱ្យមានការសរសើរ ពីអ្នកនិយមលេងអ៊ីនធើណែតចំពោះ ទង្វើដ៏ក្លាហានរបស់នាង សូម្បីតែនៅក្នុងសំណុំរឿងផ្លូវច្បាប់ផ្ទាល់ខ្លួន ប្រឆាំងនឹងអតីតមិត្តប្រុសរបស់នាង ដែលបច្ចុប្បន្នត្រូវបានកាត់ទោស។
ប្រភព៖ Koreaboo
