បច្ចុប្បន្នវិស័យទេសចរណ៍នៅតាមតំបន់ខេត្តនានា កាន់តែរីកចម្រើននិងអភិវឌ្ឍន៍ទៅមុខ ដែលបានទាក់ទាញភ្ញៀវទេសចរណ៍ឲ្យមកទស្សនាជាច្រើនក្នុងប្រទេសយើងផងដែរ។ ក្នុងនោះក៏មាន កោះមួយចំនួនដែលបានបញ្ចេញសក្តានុពលដើម្បីទាក់ទាញភ្ញៀវទេសចរណ៍ឲ្យរីករាយនិងសម្រស់ឆ្នេរដែលស្អាតជាងគេបំផុត រួមទាំងជាកន្លែងមានខ្យល់អាកាសបរិសុទ្ធល្អ និងសក្តិសមសម្រាប់អ្នកចូលចិត្តបោះតង់តាមឆ្នេរនីមួយៗនៅពេលយប់។
១. កោះរ៉ុងសន្លឹម
ប្រសិនបើអ្នកចំណាយពេលមួយថ្ងៃសម្រាប់នៅលើ កោះតូចនេះអ្នកមិនបាច់បារម្ភថា ប្រហែលឆ្នេរខ្សាច់អាចមិនល្អ ទឹកសមុទ្រមិនស្អាត និងខ្យល់អាកាសមិនស្រស់ស្រាយនោះទេ។ ប៉ុន្តែអ្នកនឹងមើលឈើញឆ្នេរដ៏ស្រស់ស្អាតបំផុតនៃកោះនោះ ព្រោះអ្នកនឹងទៅដល់ទីនោះដោយផ្ទាល់តាមរយៈទូកដែលមានពីខេត្តព្រះសីហនុ។ ឆ្នេរនេះមាន៖ ដីខ្សាច់ល្អ បឹងហ្គាឡូឈើនៅក្បែរនោះ ព្រមទាំង មានបារ និងភោជនីយដ្ឋាននៅលើឆ្នេរខ្សាច់ ភាពសម្បូរបែបនៃភ្ញៀវទេសចរ រួមទាំងមានទឹកថ្លាឈ្វង់គួរឲ្យចង់ចុះលេងឬហែលទឹកលេង។
២. ឆ្នេរ Sunset នៅកោះរ៉ុងសន្លឹម
ជាឆ្នេរដ៏ស្រស់ស្អាតទីពីរនៅលើកោះរ៉ុងសន្លឹមដែលមានឈ្មោះថា ឆ្នេរ Sunset ហើយដូចដែលឈ្មោះបានបង្ហាញ វាជាកន្លែងមើលថ្ងៃលិចដ៏អស្ចារ្យមួយនៃឆ្នេរនេះដូចគ្នា។ លើសពីនេះគឺជាកន្លែងល្អឥតខ្ចោះសម្រាប់មើលថ្ងៃលិច និងទិដ្ឋភាពសម្បូរបែបនៃភ្ញៀវទេសចរ ថែមទាំងមានទីលានបាល់ទះ កន្លែងមុជទឹក snorkeling ដ៏អស្ចារ្យ (មានជួលឧបករណ៍នៅនឹងកន្លែង) ចំពោះកន្លែងស្នាក់នៅ សូមណែនាំអោយជួលតង់នៅ Sleeping Trees ពិតជានឹងទទួលបានបទពិសោធន៍ដ៏អស្ចារ្យមួយក្នុងជីវិតរបស់អ្នកថែមទៀតផង។
៣. ឆ្នេរអូរត្រេះ ខេត្តព្រះសីហនុ
ជាឆ្នេរមួយមានទំហំតូចជាងឆ្នេរមុនៗដែលបានលើកឡើង ប៉ុន្តែវាមានសភាពរស់រវើក។ តាមពិតទៅឆ្នេរអូរត្រេះជាកន្លែងដែលពេញនិយមសម្រាប់មនុស្សពេញវ័យជាគេ ព្រោះមាន៖ បរិយាកាសបរិសុទ្ធល្អ ពិសេសនៅយប់ថ្ងៃសៅរ៍ ដែលអ្នកនឹងអាចចូលទៅលេងផ្សារអូរត្រេះបាន ដោយសារតែមាន បារ និងភោជនីយដ្ឋាននៅលើឆ្នេរដែលផ្តល់ជូននូវអាហារសមុទ្រឆ្ងាញ់ នឹងមានការម៉ាស្សានៅលើឆ្នេរផងដែរ។
៤. កោះទន្សាយ
កោះទន្សាយជាកោះដែលស្ថិតនៅក្នុងខេត្តកែប យើងអាចធ្វើដំណើរតាមរយៈទុកដើម្បីទៅដល់កោះនេះ។ ដោយសារតែវាជាកោះតូចស្អាត ដូច្នេះអ្នកអាចទៅលេងកន្លែងទាំងមូលបានដោយមិនចាំបាច់ចំណាយពេលច្រើនបំផុតមួយម៉ោង។ កោះនេះមានភាពសម្បូរបែបនៃភ្ញៀវទេសចរ រីឯបរិយាកាសស្ងប់ស្ងាត់និងសម្រាក ចំពោះភោជនីយដ្ឋានមានបម្រើក្តាមកែបដ៏ល្បី។ លើសពិនេះសម្រាប់កន្លែងស្នាក់នៅ អ្នកអាចជួលបឹងហ្គាឡូមួយក្នុងចំណោមបឹងហ្គាឡូនៃសណ្ឋាគារនេះ វាពិតជាមិនប្រណិតបំផុតក្នុងចំណោមសណ្ឋាគារទាំងអស់នោះទេ ប៉ុន្តែវាផ្តល់នូវផាសុកភាពចាំបាច់ដែលអ្នកត្រូវការសម្រាប់មួយយប់ ឬពីរយប់។
៥. កោះស្មាច់
កោះស្មាច់ គឺជាកោះមួយដែលមានទីតាំងស្ថិតនៅក្នុងខេត្តកោះកុង។ ម្យ៉ាងទៀតជាកោះមួយដែលមានទេសភាពស្អាតគួរជាទីចាប់អារម្មណ៏ដែលមានបរិយាកាសដ៏ល្អ ឆ្នេរខ្សាច់ពណ៌ស ហើយផ្ទៃសមុទ្រខៀវស្រងាត់។ ចំណុចសំខាន់ៗនៅរមណីយដ្ឋានកោះស្មាច់ ដែលអាចធ្វើអោយទាក់ទាញអារម្មណ៏អ្នកបានទៅនោះមានដូចជា៖ ហែលទឹក បោះជំរុំ ឬបោះតង់ ឆ្នេរសមុទ្រស្អាត ជិះទូក និងចំណុចផ្សេងៗទៀត។ កោះនេះផងដែរក៏សម្បូរទៅដោយដើមដូងខ្ពស់ៗច្រើន ដែលនៅពេលព្រះអាទិត្យរៀបលិច ធ្វើអោយសម្រស់កោះស្មាច់កាន់តែមានភាពទាក់ទាញយ៉ាងខ្លាំង។
បញ្ចេញមតិយោបល់
