តើត្រូវញ៉ាំប្រូតេអ៊ីនប៉ុន្មានក្នុងមួយថ្ងៃ ដើម្បីជួយឲ្យអ្នកសម្រកទម្ងន់បានដោយមិនធ្វើឲ្យអ្នកបាក់កម្លាំង និង ចុះខ្សោយនៅពេលដែលអ្នកតមអាហារ?? ដឹងទេការញ៉ាំអាហារដែលមានកាឡូរីទាប គឺជាជម្រើសដ៏សក្តិសមបំផុតសម្រាប់អ្នកដែលចង់សម្រកទម្ងន់។ ប៉ុន្តែតើអាហារអ្វីខ្លះដែលមានកាឡូរីទាប ប៉ុន្តែមានប្រូតេអ៊ីនខ្ពស់ ដែលល្អសម្រាប់អ្នកសម្រកទម្ងន់? ខាងក្រោមនេះជាអាហារទាំង 6 មុខ ៖
១. Salmon
មានប្រូតេអ៊ីន 22 ក្រាម ហើយមិនសូវមានកាឡូរីនោះទេ ប៉ុន្តែជួយបានច្រើនសម្រាប់អ្នកអត់ចង់ឡើងគីឡូ។
២. សាច់ទ្រូងមាន់
មានប្រូតេអ៊ីន 24.2G មានកាឡូរីទាប ល្អសម្រាប់អ្នកចង់តមអាហារ។
៣. សាច់គោគ្មានខ្លាញ់
មានប្រូតេអ៊ីនប្រហែល 16.7G ជាអាហារល្អសម្រាប់អ្នកដែលចូលចិត្តសម្រកទម្ងន់។ មួយវិញទៀតល្អសម្រាប់សុខភាពនៅពេលអ្នកទទួលទានក្នុងបរិមាណសមស្រប។
៤. ស៊ុត
មានកាឡូរីទាប ហើយក៏ល្អសម្រាប់អ្នកមិនចង់ញ៉ាំអាហារច្រើន អាចស្ងោរជំនួសអាហារពេលព្រឹកក៏បេលល្ងាចបាន។ លើសពីនេះ ស៊ុតសដែលមានប្រូតេអ៊ីន 4 ក្រាម និងកាឡូរីត្រឹមតែ 17 កាឡូរី គឺជាប្រភពដ៏ល្អនៃអាស៊ីតអាមីណូ leucine ដែលជួយក្នុងការសម្រកទម្ងន់របស់អ្នកផងដែរ។
៥. តៅហ៊ូ
នេះជាជម្រើសអាហារដ៏ពេញនិយមសម្រាប់អ្នកដែលអត់ចូលចិត្តសាច់។ មិនតែប៉ុណ្ណោះ តៅហ៊ូត្រូវបានផលិតចេញពីសណ្តែកសៀង ហើយជាអាហារដែលគ្មានជាតិស្ករ និងគ្មានកូលេស្តេរ៉ុលផងដែរ។ សម្រាប់អ្នកដែលតមអាហារ មិនចង់ឡើងទម្ងន់ អាចជ្រើសរើសអាហារមួយមុខនេះបាន ព្រោះតៅហ៊ូរឹងមួយដុំមានទម្ងន់មានប្រូតេអ៊ីន 15 ក្រាម និង 177 កាឡូរី។ផលិតផលសណ្តែកសៀង ដូចជាតៅហ៊ូនោះមិនងាយឲ្យអ្នកឡើងគីឡូនោះទេ។
៦. Yougurt
ទឹកដោះគោយ៉ាអួ ធម្មតា មានជាតិខ្លាញ់ទាប មានប្រូតេអ៊ីន ១៤ក្រាម និង ១៣៧កាឡូរី ជួយកាត់បន្ថយការឃ្លាន បង្កើនភាពឆ្អែត និងពន្យាការទទួលទានអាហារបានយូរ ដូច្នេះហើយ វាជួយឲ្យអ្នកស្រកទម្ងន់ឲ្យតែអ្នកទទួលទានក្នុងបរិមាណត្រឹមត្រូវ។
ទាំងអស់នេះជាអាហារ ដែលសក្តិសមសម្រាប់អ្នកដែលចង់សម្រកទម្ងន់ បើប្រៀបធៀបទៅនឹងអាហារសម្រន់ផ្សេងៗ ប៉ុន្តែបើអ្នកមិនចង់បាត់បង់ប្រូតេអ៊ីននៅក្នុងខ្លួន អាចសាកល្បងនូវអាហារទាំង ៦ មុខនេះបាន។
