ប្រសិនបើអ្នកចង់ផ្លាស់ប្តូររបៀបរស់នៅដែលមានសុខភាពល្អការទទួលទានទឹកឲ្យបានច្រើនគឺជាជម្រើសល្អ ដោយសារតែមនុស្សពេញវ័យភាគច្រើនត្រូវញ៉ាំទឹកយ៉ាងហោចណាស់ 2 ឬ 3 លីត្រក្នុងមួយថ្ងៃ។ លើសពីនេះ នៅពេលអ្នកទទួលទានទឹកបានគ្រប់គ្រាន់ អ្នកនឹងឃើញអត្ថប្រយោជន៍ជាច្រើនចំពោះសុខភាពរបស់អ្នក។ ខាងក្រោមនេះ ជា ៤ ចំណុចដ៏អស្ចារ្យដែលរាងកាយរបស់អ្នកផ្លាស់ប្តូរនៅពេលអ្នកផឹកទឹកច្រើន ៖
១. អ្នកនឹងមានការឃ្លានអាហារតិច
ទឹកការពារការញ៉ាំច្រើនលើសកំណត់ និង មិនសូវឲ្យក្រពះឃ្លានអាហារខុសពេល ព្រោះវានឹងព្យាយាមទៅបំពេញក្រពះរបស់អ្នកនៅពេលដែលអ្នកទទួលទឹកបានគ្រប់គ្រាន់ក្នុងមួយថ្ងៃ។ ម្យ៉ាងទៀត ប្រសិនបើអ្នកកំពុងព្យាយាមសម្រកទម្ងន់ គឺងាយស្រួលណាស់ ដោយគ្រាន់តែញ៉ាំទឹកមួយកែវ 10 នាទីមុនពេលអ្នកញ៉ាំអាហារ។
២. ជួយឲ្យការហាត់ប្រាណរបស់អ្នកកាន់តែមានប្រសិទ្ធិភាព
អ្នកគួរតែផឹកទឹកតិចៗក្នុងអំឡុងពេលហាត់ប្រាណ ដើម្បីកុំឱ្យខ្សោះជាតិទឹក និងងាយបាត់បង់ជាតិទឹក។ អ្វីដែលអ្នកប្រហែលជាមិនដឹងនោះគឺថា ទឹកជួយឱ្យរាងកាយប្រើប្រាស់បានប្រសើរជាងមុន និងចែកចាយថាមពលពីអាហារចុងក្រោយរបស់អ្នកពេញមួយពេលហាត់ប្រាណ ដូច្នេះរក្សាដបទឹកឱ្យជាប់ដើម្បីធ្វើឲ្យរាងកាយអ្នកកាន់តែតែមានកម្លាំងនៅពេលហាត់ប្រាណ។
៣. ធ្វើឲ្យការដកដង្ហើមរបស់អ្នកកាន់តែងាយស្រួល
ផ្លូវដង្ហើមរបស់អ្នករួមតូចនៅពេលអ្នកខ្សោះជាតិទឹក ដែលអាចធ្វើឱ្យអាឡែស៊ី និងជំងឺហឺតកាន់តែធ្ងន់ធ្ងរ ដូចនេះ ការទទួលទានទឹកឲ្យបានច្រើន ធ្វើឲ្យរាងកាយរបស់អ្នកនឹងកាន់តែងាយស្រួលក្នុងការទទួលយកអុកស៊ីសែនបន្ថែមទៀត ដែលធ្វើអោយសុខភាពរបស់អ្នកប្រសើរឡើងជាងមុន។
៤. ធ្វើឲ្យស្បែករបស់អ្នកមើលទៅកាន់តែស្រស់ស្អាត
ដើម្បីទទួលបានស្បែកដែលស្អាត ទឹកគឺជាការបន្ថែមដ៏សំខាន់ចំពោះទម្លាប់របស់អ្នក ប្រសិនបើអ្នកចង់ទទួលបានស្បែកដែលមានសំណើម ភ្លឺរលោងតាមបែបធម្មជាតិ។ មិនតែប៉ុណ្ណោះ ទឹកជួយបណ្តេញជាតិពុលចេញពីរាងកាយរបស់អ្នក ហើយវាក៏ជួយស្បែកឱ្យរក្សាសំណើមបានយូរ ដែលជួយកាត់បន្ថយស្នាមជ្រួញថែមទៀតផង។
ការផឹកទឹកឱ្យបានច្រើនគឺជាការផ្លាស់ប្តូរសុខភាពដ៏ល្អបំផុតមួយដែលអ្នកអាចធ្វើ និងជាកន្លែងដែលវាមិនចំណាយពេលយូរដើម្បីឃើញអត្ថប្រយោជន៍។ បន្ថែមពីនេះ នៅពេលដែលអ្នកស៊ាំនឹងការទទួលបានទឹកបានគ្រប់គ្រាន់ នឹងធ្វើឲ្យអ្នកមានអារម្មណ៍ល្អ និងមានសុខភាពល្អសម្រាប់ជីវិរបស់អ្នក។
ប្រភព ៖ editandnest.com
បញ្ចេញមតិយោបល់
