តើអ្នកស្រមៃចង់បានរោមភ្នែកក្រាស់ និងវែងមែនទេ? ហើយចង់ដឹងពីវិធីបណ្តុះរោមភ្នែកឲ្យលឿនដែរទេ អ្នកណា ដែលមិនចង់បានរោមភ្នែកក្រាស់ស្អាត?
ពិតណាស់ វាមានកត្តាជាច្រើនដូចជាអាយុ ហ្សែន និងលក្ខខណ្ឌវេជ្ជសាស្ត្រផ្សេងទៀត ដែលប៉ះពាល់ដល់ការលូតលាស់នៃរោមភ្នែក យើងមិនអាចកែប្រែឥទ្ធិពលរបស់វាបានទេ ប៉ុន្តែយើងប្រាកដជាអាច បង្កើនការលូតលាស់នៃរោមភ្នែក ដោយប្រើរបស់ធម្មជាតិខ្លះ ដែលអ្នកអាចរកបាននៅផ្ទះរបស់អ្នកផ្ទាល់ ហើយខាងក្រោមនេះ គឺជាវិធីបណ្តុះរោមភ្នែក ឲ្យដុះលឿនជាមួយវត្ថុធាតុធម្មជាតិ ៖
១. castor oil
castor oil ដែលមនុស្សជាច្រើន មាននៅក្នុងផ្ទះបាយរបស់យើង មានឥទ្ធិពលដ៏អស្ចារ្យលើការលូតលាស់សក់ ដូច្នេះបើអ្នកលាបវានៅលើរោមភ្នែករបស់អ្នកជារៀងរាល់ថ្ងៃ នោះរោមភ្នែករបស់អ្នកនឹងក្រាស់ ហើយរឹងមាំ ដោយមិនចាំបាច់ប្រើម៉ាស្ការ៉ា។
២. សំបកក្រូចឆ្មាត្រាំក្នុងប្រេងអូលីវ
កាត់ក្រូចឆ្មាមួយផ្លែ ជាបំណែកតូចៗ ហើយត្រាំវាចូលទៅក្នុងប្រេងអូលីវ 1ភាគ4 នៃពែង រួចទុកវារយៈពេល 2ទៅ 3 ថ្ងៃ បន្ទាប់មកលាបប្រេងនេះ ទៅលើរោមភ្នែកមុនពេលអ្នកចូលគេងពេលយប់ ហើយលាងសម្អាតវានៅពេលព្រឹក ដើម្បីឱ្យរោមភ្នែកវែង និងង ជាងមុន។
៣. តែបៃតង
សារធាតុចិញ្ចឹមដែលមានសុខភាពល្អ និងជាតិកាហ្វេអ៊ីនដែលមាននៅក្នុងតែបៃតង ក៏មានឥទ្ធិពលដ៏អស្ចារ្យលើរោមភ្នែករបស់អ្នកផងដែរ។ អ្នកអាចលាបកប្បាសក្នុងតែបៃតង ហើយដុសលើរោមភ្នែករបស់អ្នក ដើម្បីជំរុញការលូតលាស់របស់វា ដែលនេះគឺជាវិធីធម្មជាតិ និងមានសុខភាពល្អ សម្រាប់ធ្វើឲ្យរោមភ្នែកវែងជាងមុន។
៤. ប្រទាលកន្ទុយក្រពើ
ជែល Aloe Vera ពិតជាមានប្រយោជន៍ខ្លាំង សម្រាប់រឿងជាច្រើន រួមទាំងរោមភ្នែកវែងផងដែរ។ យកជែល Aloe Vera ឬប្រទាលកន្ទុយក្រពើនេះ លាបរោមភ្នែករបស់អ្នកដោយប្រើម៉ាស្ការ៉ានៅពេលយប់។ វានឹងផ្តល់ឱ្យរោមភ្នែករបស់អ្នក មើលទៅក្រាស់ខ្លាំង ព្រោះសារធាតុចិញ្ចឹមនៅក្នុងប្រទាលកន្ទុយក្រពើ នឹងជួយជំរុញឱ្យរោមភ្នែករបស់អ្នកកាន់តែក្រាស់។
គន្លឹះទាំងនេះគឺសាមញ្ញ និងរហ័សក្នុងការប្រើប្រាស់ ហើយក៏សង្ឃឹមថា វិធីខាងលើ នឹងជួលកំចាត់រាល់កង្វល់របស់អ្នក លើវិធីបណ្តុះរោមភ្នែកបានលឿន។
ប្រភព៖ medylife
