សមាធិ គឺជាការរំសាយគំនិត ក្នុងការយល់ដឹងពីមនសិការដ៏បរិសុទ្ធ។ ពិតណាស់ ចិត្តរបស់មនុស្ស គឺដូចជាសាច់ដុំផ្សេងទៀតនៅក្នុងរាងកាយរបស់អ្នក ហើយការធ្វើសមាធិ គឺជាលំហាត់ប្រាណដែលអាចជួយអ្នក ឱ្យអភិវឌ្ឍវាបាន។
មានមនុស្សជាច្រើន បានប្រាប់អ្នកពីអត្ថប្រយោជន៍នៃការធ្វើសមាធិ ហើយប្រសិនបើអ្នកនៅតែមិនដឹងច្បាស់ អំពីរឿងសមាធិនេះ ខាងក្រោមនេះជាហេតុផលមួយចំនួនដែលធ្វើឲ្យអ្នកចាប់ផ្តើមធ្វើវា។
១. វាជួយកាត់បន្ថយការថប់បារម្ភ
ការធ្វើសមាធិ អាចជួយអ្នកកាត់បន្ថយភាពតានតឹងបាន។ ក្នុងពេលដែលអ្នកថប់អារម្មណ៍ អ្នកអាចបិទភ្នែក ដកដង្ហើមចេញចូលយឺតៗ និងតាំងអារម្មណ៍ឲ្យស្ងប់ យោងតាមការសិក្សាវិទ្យាសាស្ត្រ ការធ្វើសមាធិបានបង្ហាញពីភាពប្រសើរឡើង នៃមុខងារទាំងមូលរបស់ខួរក្បាល ក្រៅពីការគ្រប់គ្រងអារម្មណ៍ ដែលមនុស្សម្នាក់មានអារម្មណ៍ ខណៈពេលដែលស្ថិតក្នុងភាពតានតឹង។
២. ធ្វើអោយការផ្តោតអារម្មណ៍ មានការប្រសើរឡើង
សមាធិជួយមនុស្សឲ្យប្រមូលផ្តុំគំនិត និងថាមពលទៅក្នុងទិសដៅត្រឹមត្រូវ។ មនុស្សដែលធ្វើសមាធិជាប្រចាំ យល់ថាវាកាន់តែងាយស្រួលក្នុងការធ្វើកិច្ចការច្រើន និងសម្រេចបានអតិបរមាពីការងាររបស់ខ្លួន។ អ្នកវិទ្យាសាស្ត្របានធ្វើការសិក្សាជាច្រើន ដែលបានបង្ហាញថាការធ្វើសមាធិ បង្កើនសកម្មភាពសរសៃប្រសាទនៅក្នុងខួរក្បាលរបស់យើង ជួយផ្តោតអារម្មណ៍បានកាន់តែប្រសើរ។
៣. ជួយបំផុសគំនិត អំពីរបៀបរស់នៅ ដែលមានសុខភាពល្អ
ការធ្វើសមាធិ គឺដូចជាការបន្សាបជាតិពុលនៃគំនិតរបស់មនុស្សម្នាក់ ហើយដំណើរការនេះជួយក្នុងការទទួលបានស្ថេរភាពផ្លូវចិត្តកាន់តែច្រើន វាក៏ជំរុញឱ្យមនុស្សម្នាក់ទទួលយក របៀបរស់នៅដែលមានសុខភាពល្អជាងមុនផងដែរ។
៤. ទទួលបាននូវកម្រិតសុភមង្គលកាន់តែច្រើន
សុភមង្គល គឺជាអ្វីដែលមនុស្សគ្រប់គ្នាកំពុងស្វែងរក ជាពិសេសដោយសារតែភាពច្របូកច្របល់ ដែលយើងកំពុងរស់នៅ ហើយការធ្វើសមាធិជួយយើងឱ្យសម្រេចវាបាន។ ការធ្វើសមាធិជាទៀងទាត់ ផ្តល់ឱ្យចិត្តស្ងប់និងចិត្តសប្បាយរីករាយ ម្យ៉ាងវិញទៀត ការធ្វើសមាធិ នឹងបញ្ចូលនូវសេចក្តីសុខមួយកម្រិត រាល់ពេលដែលយើងអនុវត្តវា ហើយវាជួយឱ្យយើងមើលឃើញពិភពលោកបានកាន់តែច្បាស់។
៥. ជួយឲ្យចិត្តស្ងប់ ដោយមានការអភ័យទោស និងបំភ្លេចចោល
មូលហេតុដែលយើងមានអារម្មណ៍តានតឹង ឬថប់បារម្ភ គឺដោយសារតែទំនាក់ទំនងដ៏ស្មុគស្មាញ ក្នុងជីវិតរបស់យើង។ ការធ្វើសមាធិ ជួយឱ្យយើងមើលឃើញគិតបានគ្រប់ជ្រុងជ្រោយ ធ្វើឲ្យយើងមានចិត្តទទួលយក អភ័យទោស បំភ្លេចវាចោល និងបន្តទៅមុខទៀត។
៦. ពន្យាភាពចាស់
ការធ្វើសមាធិ គឺធ្វើឲ្យបំបាត់ស្នាមជ្រីវជ្រួញដ៏ល្អ។ ការសិក្សាបានបង្ហាញថា មនុស្សដែលធ្វើសមាធិមានទំនោរមើលទៅក្មេងជាងដៃគូរបស់ពួកគេ នៅក្នុងក្រុមអាយុដូចគ្នា វាអាចនឹងមិនសូវជឿ តែការពិតដែលថា វាមិនមានវេទមន្តណាមួយនៅពីក្រោយរឿងនេះទេ ប៉ុន្តែការពិតដែលថា ការធ្វើសមាធិគឺពិតជាជួយកាត់បន្ថយភាពតានតឹង ការថប់បារម្ភ និងជួយយើងឱ្យមានភាពស្ងប់ស្ងាត់ គឺជាអ្វីដែលក្លាយជាភាពសុខដុមល្អឥតខ្ចោះ សម្រាប់ហ្សែន និងកោសិកាឈាមរបស់យើង ដែលមានទំនោររស់នៅបានយូរ។
៧. ជួយឲ្យមនុស្សម្នាក់នោះមានការអត់ធ្មត់
វាត្រូវការពេលវេលាច្រើន ដើម្បីរៀនសិល្បៈនៃសមាធិ ដូច្នេះការធ្វើសមាធិ ជាវិធីដ៏ត្រឹមត្រូវមួយដើម្បីកាត់បន្ថយគំនិតឆេះឆួល ស្លន់ស្លោរ ក្នុងជីវិតដែលពោពេញទៅដោយភាពប្រញ៉ាប់ប្រញ៉ាល់ នាពេលបច្ចុប្បន្ន។
ដូច្នេះហើយ កុំមើលងាយការតាំងសមាធិឲ្យសោះ ព្រោះវាពិតជាផ្តល់នូវអត្ថប្រយោជន៍ច្រើនខ្លាំងលើសពីការស្មាន ហេតុនេះហើយ អ្នកអាចចាប់ផ្តើមតាំងសមាជិកបន្តិចម្តងៗចាប់ពីថ្ងៃនេះទៅ ដើម្បីទទួលបានទាំងសុខភាពផ្លូវកាយ និងផ្លូវចិត្ត។
