អ្នកចូលចិត្តញ៉ាំពងមាន់ ពងទាឆៅៗ ជ័រភ្នៅ សូមផ្អាកសិន ព្រោះមានករណីឆ្លងជំងឺផ្តាស់សាយបក្សី

ថ្មីៗនេះ ក្រសួងសុខាភិបាលបានប្រកាសថា មានអ្នកស្លាប់ដោយសារតែ មានការឆ្លងជំងឺផ្តាស់សាយបក្សី មកលើមនុស្ស ប្រភេទ H5N1 ដែលជនរងគ្រោះមានភេទប្រុស អាយុ 50ឆ្នាំ ទីលំនៅក្នុងភូមិម្រាក់ទាប ឃុំត្រល់ ស្រុករមាសហែក ខេត្តស្វាយរៀង។

ក្នុងនោះដើមហេតុគឺ ជនរងគ្រោះបានប៉ះពាល់ និងបរិភោគមាន់ដែលមានផ្ទុះវីរុស H5N1 នេះ យ៉ាងណាមិញបើទោះបីជាជំងឺនេះវាមិនឆ្លង ពីមនុស្សម្នាក់ទៅមនុស្សម្នាក់ទៀតក៏ពិតមែន តែអ្នកក៏ត្រូវតែបង្កើនការប្រុងប្រយ័ត្នដូចគ្នា ព្រោះវាមានការគម្រាមកំហែងខ្លាំង ដែលពិបាកព្យាបាលជាពិសេសទៅលើ មនុស្សចាស់ និងកូនក្មេង។

ដូច្នេះអ្នកគួរតែលាងដៃឲ្យបានស្អាត រាលពេលដែលបានប៉ះជាមួយនឹងសត្វបក្សាបក្សី ព្រោះវីរុសទាំងនេះវានៅក្នុងពពួកសត្វស្លាបទាំងអស់ហ្នឹង និងកុំបរិភោគពពួកមាន់ដែលងាប់ និងស៊ុតដែលឆៅៗ។

ប្រភព៖ ក្រសួងសុខាភិបាល