មនុស្សស្រីគឺ ស្រឡាញ់សក់ខ្លាំងណាស់ទើបពេលខ្លះស្វែងរកផលិតផលជំនួយដល់សសៃសក់របស់ពួកគេ។ ហេតុផលដែលបណ្តាលឲ្យសក់របស់អ្នកស្ងួតខ្លាំង និង គ្មានសំណើម គឺ អាចមកពីទម្លាប់តូចៗដែលអ្នកបានធ្វើជាប្រចាំថ្ងៃ ទើបធ្វើឲ្យសក់របស់អ្នកងាយ ដាច់ ផុយ និង គ្មានទម្ងន់ ៖
១. អ្នកប្រើកម្តៅខ្លាំងពេក
ការប្រើឧបករណ៍សក់ដែលមានកំដៅក្តៅពេក ដូចជាម៉ាស៊ីនផ្លុំសក់ ម៉ាស៊ីនគាបសក់ និង ម៉ាស៊ីនមូលសក់ អាចបំផ្លាញសក់របស់អ្នកបានយ៉ាងងាយ ដើម្បីប្រយុទ្ធប្រឆាំងនឹងបញ្ហានេះ អ្នកអាចប្រើសាប៊ូកក់សក់ និង ក្រែមបន្ទន់សក់ដែលមានសារធាតុប្រូតេអ៊ីន ដើម្បីបំប៉នសសៃសក់របស់អ្នកឡើងវិញ។
២. កក់សក់ញឹកញាប់ពេក
ការកក់សក់ញឹកញាប់ពេក អាចធ្វើឲ្យសក់របស់អ្នកបាត់បង់ប្រេងធម្មជាតិ ដែលមាននៅក្នុងសសៃសក់ ហើយអាចធ្វើឲ្យសក់របស់អ្នកស្ងួតលឿនជាងមុនរហូតទៅពីរដង។ ជាដំណោះស្រាយ កុំព្យាយាមកក់សក់របស់អ្នកញឹកញាប់ពេក អាច ក្នុង មួយសប្តាហ៍ កក់៣ ដងបានហើយ កុំកក់រាល់ថ្ងៃពេក ដូចនេះទើបសក់របស់អ្នកមិនងាយបាត់បង់ប្រេងធម្មជាតិរបស់សសៃសក់។
៣. លាបសក់ញឹកពេក
ការធ្វើឲ្យសសៃសក់របស់អ្នកស្ងួតខ្លាំងដោយសារតែអ្នកឧស្សាហ៍លាបពណ៌សក់ញឹកពេក ដោយសាធាតុ អាម៉ូញាក់នៅក្នុងថ្នាំលាបសក់ធ្វើឱ្យសក់របស់អ្នកស្ងួត ហើយ បាត់បង់ទម្ងន់ និង ងាយដាច់ផុយ ជាមុន ដូច្នេះ បើមិនចាំបាច់កុំផ្លាស់ប្តូរពណ៌សក់ច្រើនដងពេក។
៤. របបអាហាររបស់អ្នកអាចជាបញ្ហា
ប្រសិនបើអ្នកមិនទទួលបានសារធាតុចិញ្ចឹម ឬវីតាមីនគ្រប់គ្រាន់នៅក្នុងអាហារប្រចាំថ្ងៃនោះទេ វានឹងពណ្តាលឲ្យសុខភាពសក់របស់អ្នកធ្លាក់ចុះ ជាឧទាហរណ៍ កង្វះវីតាមីន B7 អាចបណ្តាលឱ្យសក់ និងក្រចកផុយ។ ដូចនេះ គួរតែសាកល្បងញ៉ាំ អាហារដែលសម្បូរទៅដោយ B7 រួមមាន ស៊ុតលឿង សាច់សរីរាង្គ ត្រី សាច់ ទឹកដោះគោ គ្រាប់ធញ្ញជាតិ ស្ពៃខ្មៅ ផ្កាខាត់ណាខៀវ ខាត់ណា ដំឡូងជ្វា គ្រាប់ធញ្ញជាតិ និងចេក ដែលជាអាហារជំនួយដល់សក់របស់អ្នក។
នេះអាចជាបញ្ហាមួយចំនួនដែលអ្នកបានធ្វើជាញឹកញយ ដូចនេះសាកល្បងកាត់បន្ថយទម្លាប់ទាំងនេះ ហើយព្យាយាមញ៉ាំអាហារដែលជួយបំប៉នដល់សក់របស់ ដើម្បីធ្វើឱ្យសក់របស់អ្នកត្រលប់មកដូចដើម និង ភ្លឺរលោងឡើងវិញ។ ប្រភព៖ totalbeauty.com
បញ្ចេញមតិយោបល់
