ផ្លែឈើសម្បូរទៅដោយសារធាតុចិញ្ចឹម ហើយផ្លែឈើទាំង 6 យ៉ាងខាងក្រោមអាចជួយពន្លឿនការរំលាយអាហារជាតិខ្លាញ់ ដោយកម្ចាត់ខ្លាញ់នៃក្បាលពោះរបស់អ្នក។ ម្យ៉ាងទៀត ពេលញ៉ាំផ្លែឈើ ការរំលាយ ជាតិខ្លាញ់នឹងមានលំនឹង ព្រមទាំងអាចជួយឱ្យអ្នកមានរាងស្លីម និង ថែរក្សាទម្ងន់របស់អ្នកទៀតផង។ ខាងក្រោមនេះជាផ្លែឈើ៦ប្រភេទដែលអ្នកមានខ្លាញ់ក្បាលពោះ អាចទទួលទានជាប្រចាំ ៖
១. ផ្លែប៉ែស
ទោះបីជាផ្លែប៉េសមើលទៅដូចមានជាតិផ្អែមខ្លាំង ប៉ុន្តែវាមានកាឡូរីតិចតួចណាស់។ លើសពីនេះ ពួកវាសម្បូរទៅដោយសារធាតុ phenol និង catechins ដូច្នេះវាអាចជួយពន្លឿនដំណើរការដុតបំផ្លាញជាតិខ្លាញ់ក្នុងរាងកាយផងដែរ ដូច្នេះអ្នកគួរតែញ៉ាំផ្លែប៉េសឲ្យបានគ្រប់គ្រាន់។
២. ត្រសក់ស្រូវ
ត្រសក់ស្រូវ មានឥទ្ធិពលប្រឆាំងការរលាកក្នុងរាងកាយ ដោយហេតុនេះការពារហានិភ័យនៃការប្រមូលផ្តុំខ្លាញ់នៅចង្កេះ។ ជាងនេះទៅទៀត ការទទួលទានផ្លែត្រសក់ស្រូវជាប្រចាំ ក៏អាចជួយកម្ចាត់ជាតិពុលបានយ៉ាងមានប្រសិទ្ធភាពផងដែរ ដូច្នេះហើយ អ្នកគួរតែទទួលទានដោយប្រុងប្រយ័ត្ន។
៣. ផ្លែប៉ោម
ផ្លែប៉ោមសម្បូរទៅដោយជាតិសរសៃរលាយក្នុងទឹក ដែលអាចជួយសម្រួលដល់ចលនាពោះវៀន មិនតែប៉ុណ្ណោះ ញ៉ាំផ្លែប៉ោមមុនពេលញ៉ាំអាហារក៏ជួយបង្កើនអារម្មណ៍ឆ្អែត និងកាត់បន្ថយការឃ្លានយ៉ាងមានប្រសិទ្ធិភាព។
៤. ផ្លែទទឹម
ផ្លែទទឹមមានផ្ទុកសារធាតុប្រឆាំងអុកស៊ីតកម្ម polyphenol ដូច្នេះវាមិនត្រឹមតែធ្វើឱ្យស្បែកស្រស់ស្អាតប៉ុណ្ណោះទេ ប៉ុន្តែថែមទាំងជួយជំរុញដំណើរការបន្សាបជាតិពុលនៅក្នុងខ្លួនផងដែរ ដោយហេតុនេះបង្កើនអត្រានៃការរំលាយជាតិខ្លាញ់យ៉ាងមានប្រសិទ្ធិភាព។
៥. ប៊្លូបឺរី
ផ្លែប៊្លូបឺរីត្រូវបានគេស្គាល់ថាជា “ផ្លែឈើដ៏មានឥទ្ធិពលបំផុតសម្រាប់កាត់បន្ថយខ្លាញ់ក្បាលពោះ ព្រោះវាសម្បូរទៅដោយសារធាតុប្រឆាំងអុកស៊ីតកម្ម និងអាចការពារជាតិខ្លាញ់ពីការប្រមូលផ្តុំនៅក្នុងខ្លួន។
៦. ក្រូចថ្លុង
ផ្លែឈើនេះមានអង់ស៊ីមជាច្រើនដែលបំបែកជាតិខ្លាញ់ ដោយវាអាចជួយកាត់បន្ថយខ្លាញ់ក្បាលពោះបានយ៉ាងមានប្រសិទ្ធភាព។ លើសពីនេះ គ្រាន់តែទទួលទានផ្លែក្រូចថ្លុងប៉ុន្មានផ្លែជារៀងរាល់ថ្ងៃអាចពន្លឿនការសម្រកទម្ងន់របស់អ្នកបានដោយមិនប៉ះពាល់។
សរុបមកវិញ ប្រសិនបើអ្នកចង់កម្ចាត់ខ្លាញ់ក្បាលពោះឲ្យកាន់តែមានលទ្ធផលល្អ បន្ថែមពីលើការញ៉ាំតិច ឬ ញ៉ាំផ្លែឈើនេះទាំង ៦ នេះ អ្នកគួរតែធ្វើលំហាត់ប្រាណឲ្យបានទៀងទាត់ ដើម្បីទទួលបានអ្វីដែលអ្នកចង់បាន។
