អាហារជាច្រើនតែងតែមានជីវជាតិ និង បំប៉នសុខភាពចំពោះរាងកាយរបស់មនុស្ស ប៉ុន្តែសម្រាប់អាហារខ្លះអាចបណ្តាលឲ្យអ្នកមានអាការៈពុលអាហារប្រសិនបើអ្នកទទួលទានខុសពេលវេលា។ លើសពីនេះវាអាចបង្កគ្រោះថ្នាក់ផ្សេងៗទៀតដល់សុខភាពរបស់អ្នកពីមួយថ្ងៃទៅមួយថ្ងៃដោយអ្នកមិនបានចាប់អារម្មណ៍ដោយសារតែមើលរំលងចំណុចតូចនេះ។ ខាងក្រោមនេះជាអាហារ៥ប្រភេទ ដែលអាចបង្កគ្រោះថ្នាក់ចំពោះសុខភាពអ្នក ឬ បណ្តាលឲ្យអ្នកមានអាការៈពុលអាហារ ៖
១. ចេក
ចេកជាអាហារសម្បូរប៉ូតាស្យូម ដែលជួយទ្រទ្រង់ការលូតលាស់សាច់ដុំ និងថាមពលក្នុងរាងកាយរបស់អ្នក។ ទោះជាយ៉ាងណាក៏ដោយ ការញ៉ាំចេកនៅពេលមិនសមហេតុផល ជាពិសេសនៅពេលពោះទទេនឹងកាត់បន្ថយកម្រិតថាមពលរបស់អ្នកដោយអ្នកមិនដឹងខ្លួន។ ដូច្នេះ ចូរប្រុងប្រយ័ត្ន ហើយកុំញ៉ាំចេកជំនួសអាហារពេលព្រឹករបស់អ្នក ប្រសិនបើអ្នកនៅតែចូលចិត្តចេក អ្នកគួរតែផ្សំវាជាមួយធញ្ញជាតិ ប៊ឺសណ្តែកដី...។
២. ទឹកដោះគោជូរ
កុំញ៉ាំទឹកដោះគោជូរពេលពោះទទេ ឬមុនពេលញ៉ាំអាហារ ដោយសារតែទឹកដោះគោជូរមានផ្ទុកអាស៊ីតឡាក់ទិកច្រើន វាអាចកាត់បន្ថយជាតិអាស៊ីតក្នុងក្រពះ ដោយហេតុនេះធ្វើឱ្យដំណើរការរំលាយអាហារសភាពយឺតក្នុងកំឡុងពេលកំពុងញ៉ាំអាហារ។ បន្ថែមពីនេះ អ្នកជំនាញណែនាំថា អ្នកគួរញ៉ាំទឹកដោះគោជូរប្រហែល ១-២ ម៉ោងបន្ទាប់ពីញ៉ាំអាហារ ដោយសារតែវាមិនបណ្តាលឲ្យក្រពះអ្នកចុះខ្សោយនោះឡើយ។
៣. ទឹកក្រូចច្របាច់
ទឹកក្រូច ជាភេសជ្ជៈអាហារពេលព្រឹកដ៏ពេញនិយម ដោយសារតែ វាមានប្រសិទ្ធិភាពបំផុតនៅពេលដែលអ្នកទទួលទានបន្ទាប់ពីអាហារពេលព្រឹក ព្រោះ ភេសជ្ជៈនេះមានទាំងវីតាមីន D និងអាស៊ីតហ្វូលិកដោយទឹកក្រូចនេះជួយឱ្យអ្នកមានថាមពលពេញមួយថ្ងៃ និងបង្កើនល្បឿនដល់ការរំលាយអាហាររបស់អ្នកបានផងដែរ។
៤. ទឹកដោះគោ
ទឹកដោះគោគឺ ជាភេសជ្ជៈផ្តល់សុខភាពល្អបំផុតដែលសំបូរទៅដោយប្រូតេអ៊ីន និងសារធាតុចិញ្ចឹមផ្សេងៗនៅពេលដែលអ្នកទទួលទាន។ ម្យ៉ាងទៀត អ្នកជំនាញនិយាយថា ពេលវេលាល្អបំផុតដើម្បីផឹកទឹកដោះគោ គឺនៅពេលល្ងាច មិនមែនពេលថ្ងៃទេ ព្រោះទឹកដោះគោត្រូវចំណាយពេលយូរក្នុងការរំលាយ និងអាចធ្វើអោយអ្នកមានអារម្មណ៍ងងុយគេង។ ដូចនេះការផឹកទឹកដោះគោនៅពេលល្ងាចធ្វើឱ្យរាងកាយរបស់អ្នកឆាប់សម្រាក និងអនុញ្ញាតឱ្យកោសិកាស្រូបយកសារធាតុចិញ្ចឹមយ៉ាងមានប្រសិទ្ធភាពនៅពេលអ្នកគេង។
៥. សាច់
សាច់ គឺជាប្រភពដ៏អស្ចារ្យនៃប្រូតេអ៊ីន និងវីតាមីន B ប៉ុន្តែអាចនឹងមានច្រើនលើសលប់សម្រាប់ប្រព័ន្ធរំលាយអាហារដែលនៅក្នុងខ្លួនរបស់អ្នក នោះហើយជាមូលហេតុដែលអ្នកគួរជៀសវាងការទទួលទានសាច់មុនពេលចូលគេង។ សំខាន់ជាងនេះអ្នកគួរតែញ៉ាំសាច់គ្មានខ្លាញ់ ហើយញ៉ាំវាយ៉ាងហោចណាស់ 3 ម៉ោងមុនពេលចូលគេង ព្រោះវាផ្តល់នូវអារម្មណ៍ឆ្អែត និងមិនមានកាឡូរីច្រើនពេកដែលបណ្តាលឲ្យអ្នកឡើងទម្ងន់។
សម្រាប់អាហារខ្លះ អ្នកមិនអាចទទួលផ្តេសផ្តាសនោះ ព្រោះវាអាចបង្កហានិភ័យដល់់សុខភាព និង រាងកាយរបស់អ្នកបាន។ ដូចនេះ កុំមើលស្រាលចំណុចទាំងនេះដោយគិតថាមិនអី ព្រោះពេលខ្លះការញ៉ាំខុសពេលអាចនាំឲ្យមានបញ្ហាធ្ងន់ធ្ងរជាច្រើន ជាពិសេស មានអាហារមួយចំនួនដែលអ្នកមិនបានដឹង។
ប្រភព ៖ guu.vn.com
