ក្នុងរដូវក្តៅ ស្បែករបស់អ្នកប្រកដជាងាយប្រតិកម្ម មិនស្រស់ស្អាត ហើយភាគច្រើនតែងតែប្រឈមនឹងហានិភ័យនៃការឡើងក្រហម កន្ទួល និងរមាស់រាល់ពេលដែលអ្នកចេញទៅក្រៅក្រោមពន្លឺព្រះអាទិត្យ និងការបែកញើស។ លើសពីនេះការរក្សាស្បែកតាមបែបធម្មជាតិគឺដើម្បី ការពារការខូចខាតនៃស្បែកដែលបណ្តាលមកពីពន្លឺព្រះអាទិត្យ។ ខាងក្រោមនេះជាគ្រឿងផ្សំពីធម្មជាតិក្នុងការថែក្សាស្បែករបស់អ្នកក្នុងរដូវក្តៅ៖
១. ផ្លែល្ហុង
វាជាផ្លែឈើរដូវក្តៅដ៏អស្ចារ្យ និងជាសារធាតុសម្អាតស្បែកធម្មជាតិ ដោយមានសារជាតិ flavonoids ដែលមាននៅក្នុងផ្លែល្ហុងជួយដល់ការផលិតកូឡាជែន និង ធ្វើអោយស្បែកទន់រលោង។ លើសពីនេះប្រសិនបើអ្នកមានបញ្ហាស្បែកខ្មៅស្រអាប់ក្នុងរដូវក្តៅ លាបផ្លែល្ហុងនៅលើមុខរបស់អ្នក នោះផ្លែឈើមានផ្ទុកអង់ស៊ីមមួយឈ្មោះថា papain ដែលជួយកម្ចាត់ពន្លឺថ្ងៃ។ មិនតែប៉ុណ្ណោះវាក៏ជួយកាត់បន្ថយជាតិពណ៌ស្បែក និងស្នាមជាំ ដោយអ្នកអាចយកផ្លែល្ហុងទៅបុកជាដុំតូចៗ ហើយលាបជាម៉ាសលើមុខទុក១៥នាទី រួចលាងសម្អាតមុខរបស់អ្នកគឺរួចរាល់។
២. ដំឡូងបារាំង
ដំឡូងបារាំងគឺជាគ្រឿងផ្សំធម្មជាតិដ៏ល្អបំផុតក្នុងការបំបាត់ស្នាមជាំក្នុងរដូវក្តៅ ព្រោះដំឡូងបារាំងផ្ទុកទៅដោយវីតាមីន B និង C រួមជាមួយនឹងសារធាតុរ៉ែដូចជា ម៉ាញេស្យូម ប៉ូតាស្យូមជាដើម ហើយជាភ្នាក់ងារបន្សាបជាតិពណ៌ធម្មជាតិ និងធ្វើឱ្យស្បែកភ្លឺថ្លាផងដែរ។ អ្នកអាចលាបវានៅលើស្បែកដោយគ្រាន់តែ កិនដំឡូងបារាំងឲ្យម៉ត់ ស្លាបព្រាបាយ និងទឹកក្រូចឆ្មារ រួមជាមួយទឹកឃ្មុំមួយស្លាបព្រាបាយ ទុករយៈពេល១០ទៅ១៥នាទីមុនសម្អាតមុខចេញ ធ្វើឱ្យមុខមានប្រសិទិ្ធភាពសម្រាប់មុខជាំ ស្នាមអុចខ្មៅ កម្ចាត់ជាតិកខ្វក់ និងប្រេងចេញពីផ្ទៃមុខរបស់អ្នក។
៣. ចេក
ចេកផ្ទុកទៅដោយវីតាមីន A, B និង E ក៏ដូចជាប៉ូតាស្យូម និងផ្តល់សំណើមដល់ស្បែករបស់អ្នកតាមបែបធម្មជាតិនៅថ្ងៃរដូវក្តៅ។ អ្នកអាចធ្វើជា face-pack ដោយដំបូងអ្នកអាចយកផ្លែចេកមកកិនជាដុំៗ ហើយលាយជាមួយទឹកឃ្មុំ ទឹកដោះគោ ឬប្រេងអូលីវ។ លាងមុខរបស់អ្នកដោយទឹកក្តៅឧណ្ហៗ មុននឹងលាបគ្រឿងផ្សំទាំងនេះ បន្ទាប់ពីប្រើរួច សូមម៉ាស្សាលើមុខរបស់អ្នកជាចលនារង្វង់ប្រហែល ១០ នាទី កុំដាក់ម៉ាសនេះយូរពេក ត្រូវលាងសម្អាតមុខជាមួយទឹកក្ដៅឧណ្ហៗ។ នេះគឺជាឈុតលាបមុខធម្មជាតិដ៏ល្អបំផុតមួយក្នុងរដូវក្តៅ។
៤. ផ្លែត្រសក់ និង ប្រទាលកន្ទុយក្រពើ
គ្រឿងផ្សំរដូវក្តៅធម្មជាតិមួយទៀត គឺត្រសក់ ព្រោះមានសារធាតុចិញ្ចឹមដូចជាវីតាមីន A, B1, C, biotins និងប៉ូតាស្យូម ដោយសារវាមានជាតិទឹកប្រហែល 96% វាផ្តល់សំណើមដល់ស្បែកដោយធម្មជាតិ ព្រមទាំង ជួយអ្នកក្នុងការរក្សាពណ៌ស្បែកឱ្យស្មើគ្នា ខណៈពេលដែលយកសារធាតុមិនស្អាតចេញពីស្បែករបស់អ្នក។ ម្យ៉ាងទៀតអ្នកអាចធ្វើទឹកត្រសក់ ដោយគ្រាន់តែកិនត្រសក់មួយផ្លែឱ្យម៉ត់ បន្ទាប់ពីចិតសំបកចេញរួចលាយទឹកឆ្អិនមួយកែវ ឬ យកប្រទាលកន្ទុយក្រពើមកកិនឲ្យម៉ត់ បន្ទាប់ពីនោះ កូរលាយជាមួយគ្នាឲ្យសព្វ រួចទុកចោល ប្រហែល៥ នាទី រួចប្រើកន្ត្រងមានប្រឡោះតូចៗដើម្បីបំបែកសាច់ចេញពីទឹករបស់វា។ ក្រោយពីដាក់ក្នុងដប់រួចអ្នកអាចយកទៅដាក់ក្នុងទូរទឹកកក ហើយមុនពេលចូលគេង ប្រើវានៅលើមុខរបស់អ្នកជាទឹកជូតសម្អាតផ្ទៃមុខ និង អ្នកអាចលាបទឹកនេះលើស្បែករបស់អ្នកក្នុងអំឡុងពេលថ្ងៃដែលមានពន្លឺថ្ងៃក្តៅផងដែរ។
៥. ឪឡឹក
ផ្លែឪឡឹកផ្ទុកទៅដោយវីតាមីន C សារធាតុ Lycopene និងសារធាតុប្រឆាំងអុកស៊ីតកម្មផ្សេងៗទៀត។ វាជាទឹក 92% ដែលធ្វើឱ្យវាមានសំណើមតាមធម្មជាតិក្នុងរដូវក្តៅ។ ក្រៅពីគុណសម្បត្ដិផ្តល់សំណើមរបស់វា ឪឡឹកក៏ត្រូវបានគេស្គាល់ផងដែរសម្រាប់បំបាត់ស្នាមអុចខ្មៅ និងពន្លឺថ្ងៃចេញពីស្បែករបស់អ្នក។ អ្នកសាកល្បងលាយម៉ាសផ្លែឪឡឹកនិងទឹកដោះគោជូរ ជាដំបូង កិនផ្លែឪឡឹកមួយចំណែកលាយឱ្យសព្វក្នុងចានមួយជាមួយទឹកដោះគោជូរ ២ ស្លាបព្រាបាយ រួចលាបជាម៉ាសលើមុខ និងក ឬ លាបលើកន្លែងដែលមានបញ្ហានៃស្បែករបស់អ្នក រួចលាងចេញក្រោយរយៈពេល ១៥ នាទី វាជួយឲ្យស្បែកមុខភ្លឺរលោង និងផ្តល់សំណើមដល់ស្បែក ក៏ដូចជាជួសជុលការខូចខាត នៃស្បែកផងដែរ។
គ្រឿងផ្សំទាំង ៦ យ៉ាងខាងលើនេះ សុទ្ធតែធម្មជាតិ ងាយស្រួលរក និងសាកសមគ្រប់ប្រភេទស្បែក។ ភាគច្រើននៃទាំងនេះមានលក្ខណៈសម្បត្តិត្រជាក់ដោយធម្មជាតិ ព្រមទាំងជួយការពារស្បែករបស់អ្នកពីពន្លឺព្រះអាទិត្យ និង រក្សាសំណើមចំពោះស្បែកក្នុងរដូវក្តៅ ។
ប្រភព៖ ohwellyes.com
បញ្ចេញមតិយោបល់
