ការរៀបការគឺជារឿង សំខាន់នៅក្នុងជីវិត ហើយក៏ជារឿងមួយដែលអ្នកត្រូវដឹងមុនសម្រេចចិត្តរើសយកមនុស្សស្រីណាម្នាក់ ដើររួមផ្លូវដល់ចាស់ 6 ចំណុចនេះ ដែលអ្នកត្រូវដឹងពីមនុស្សស្រី
1. ប្រសិនបើអ្នកជ្រើសរើសមនុស្សស្រីដែលធ្វើការ អ្នកត្រូវតែទទួលយកថា នាងប្រហែលជាមិនអាចគ្រប់គ្រងការងារផ្ទះទាំងស្រុងបានទេ។
2. ប្រសិនបើអ្នកជ្រើសរើសមនុស្សស្រីជាមេផ្ទះដែលអាចមើលថែអ្នក និងគ្រប់គ្រងការងារផ្ទះរបស់អ្នកបានទាំងស្រុង អ្នកត្រូវតែទទួលស្គាល់ថា នាងមិនអាចជួយអ្នករកលុយផ្គត់ផ្គង់គ្រួសារជាមួយអ្នកបានទេ
3. ប្រសិនបើអ្នកជ្រើសរើសមនុស្សស្រីដែលស្តាប់បង្គាប់ មនុស្សស្រីដែលស្ថិតនៅក្រោមការគ្រប់គ្រងរបស់ អ្នកត្រូវតែទទួលដឹងពីសុខទុក្ខរបស់នាង បញ្ហារបស់នាង ការពឹងផ្អែករបស់នាង ហើយអ្នកទទួលខុសត្រូវចំពោះសុខុមាលភាពរបស់នាងផងដែរ។
4. ប្រសិនបើអ្នកសម្រេចចិត្តនៅជាមួយមនុស្សស្រីរឹងមាំ អ្នកត្រូវតែទទួលស្គាល់ថានាងឯករាជ្យ និងមានគំនិតផ្ទាល់ខ្លួន មិនអាចស្ថិតនៅក្រោមការគ្រប់គ្រងរបស់មនុស្សប្រុសឡើយ។
5. ប្រសិនបើអ្នកជ្រើសរើសនារីដ៏ស្រស់ស្អាត ពូកែថែសម្រស់ អ្នកនឹងត្រូវទទួលយកការចំណាយខ្ពស់ដែលមកជាមួយនឹងភាពស្រស់ស្អាតរបស់នាង។
6. ប្រសិនបើអ្នកសម្រេចចិត្តនៅជាមួយនារីជោគជ័យ អ្នកត្រូវតែយល់ថា នាងមានគោលដៅ និង មានមហិច្ឆតាផ្ទាល់ខ្លួន និង ចូលចិត្តសេរីភាព និងមានគោលជំហច្បាស់លាស់។
ត្រូវចាំថា មនុស្សស្រីដែលល្អគ្រប់ដប់ គ្មានចន្លោះខ្វះខាតគឺ មិនមាននោះទេ ដូច្នេះហើយប្រសិនបើអ្នកចង់ជ្រើសរើសមនុស្សស្រីណាម្នាក់មកនៅជាមួយត្រូវទទួលយកទាំងចំណុចល្អ និង ចំណុចខ្វះខាតដែលនាងមាន។
អត្ថបទដោយ Pheng Sovannphalika
