មិនមែនគ្រប់គ្នាសុទ្ធតែឃើញពីតម្លៃរបស់អ្នកទេ ដូច្នេះត្រូវរីករាយនៅពេលមាននរណាម្នាក់ធ្វើល្អដាក់អ្នកដោយគ្មានបំណងធ្វើបាបអ្នក។ ត្រូវចេះរៀនផ្តល់តម្លៃ ចំពោះរឿងតូចតាចដែលនរណាម្នាក់ផ្តល់ឱ្យអ្នកដោយគ្មានលក្ខខណ្ឌ ព្រោះ មិនមែនគ្រប់គ្នាសុខចិត្តលះបង់អ្វីមួយដើម្បីឲ្យអ្នកសប្បាយចិត្តឡើយ ។
ត្រូវចាំថា មនុស្សគ្រប់គ្នាមិនមែនសុទ្ធតែល្អនឹងអ្នកចេញពីចិត្តនោះទេ មិនមែនគ្រប់គ្នាតែងតែនៅក្បែរអ្នកពេលមានបញ្ហាឡើយគឺមានតិចណាស់ ដូចនេះត្រូវចេះថែរក្សាមនុស្សដែលល្អជាមួយអ្នក និង ដើរចេញពីមនុស្សដែលមិនឃើញពីតម្លៃរបស់អ្នក។
ក្នុងអត្ថបទនេះ សង្ឃឹមថាអ្នកអាចដឹងថា មិនមែនគ្រប់គ្នាអាចស្រលាញ់ ចូលចិត្តអ្នកតាមអ្វីដែលអ្នកមើលឃើញនោះទេ ប៉ុន្តែបើអ្នកចង់ដឹងពីចិត្តរបស់នរណាម្នាក់ ត្រូវប្រើពេលវេលាដើម្បីមើលពួកគេ ព្រោះ ពេលវេលា និងធ្វើឲ្យអ្នកអាចមើលឃើញភាពពិតប្រាកដរបស់មនុស្សទាំងនោះ។
ដូច្នេះចាប់ពីពេលនេះទៅ សង្ឃឹមថាអ្នកអាច មើលឃើញពីចំណុចតូចៗ នៅពេលមានមនុស្សម្នាក់ ឲ្យតម្លៃអ្នក ផ្តល់ក្តីស្រលាញ់ដល់ និង លះបង់ដើម្បីអ្នក ព្រោះពេលវេលានឹងកន្លងផុតទៅ បើអ្នកមិនចេះថែរក្សាពួកគេ។
