ជិតដាច់ឆ្នាំទៀតហើយ ឆាកជីវិតរបស់អ្នកប្រហែលជាជួបនឹងការឈឺចាប់កាន់តែខ្លាំងពីមួយថ្ងៃទៅមួយថ្ងៃ ហើយផ្លូវចិត្តរបស់អ្នក កាន់តែខ្សោយទៅៗ នៅពេលដែលអ្នកព្យាយាមដាក់បន្ទុកលើខ្លួនឯងពេក។
ដឹងទេថា បេះដូង និង ផ្លូវចិត្តរបស់អ្នក គឺទន់ជ្រាយណាស់ មានពេលខ្លះទៀត វាមិនរឹងមាំដូចអ្នកគិតនោះទេ។ ហេតុអ្វីបានជាអ្នកអនុញ្ញាតឲ្យការឈឺចាប់នោះមកលងបន្លាចអ្នកម្តងហើយម្តងទៀត? តើអ្នកធ្លាប់សុំទោសដល់ខ្លួនឯងទេ គ្រប់ពេលដែលអ្នកធ្វើឲ្យខ្លួនឯងខូចចិត្តជាមួយរឿងដដែលៗ?
ដូច្នេះហើយ មានវិធីមួយដែលអាចជួយឲ្យផ្លូវចិត្តរបស់អ្នក និង បេះដូងរបស់អ្នកមិនឈឺចាប់ម្តងទៀត គឺអ្នកត្រូវរៀនទម្លាក់ចោលរឿងដែលមិនល្អ និង ហ៊ានដើរចេញឱ្យឆ្ងាយពីអ្វីដែលធ្វើឱ្យអ្នកឈឺចាប់។ របស់ខ្លះ រឿងខ្លះទោះបីជាអ្នកស្រឡាញ់ខ្លាំងប៉ុណ្ណាក៏ដោយ ក៏ត្រូវតែដោះលែងដែរ ព្រោះបើអ្នកព្យាយាមឱបក្រសោប អ្នកនឹងកាន់តែឈឺចាប់ខ្លាំង។
សាកល្បងឲ្យបេះដូងរបស់អ្នកសម្រាកមួយរយៈពេលទៅ កុំឲ្យបេះដូង និង ផ្លូវចិត្តរបស់អ្នករងរបួនៅកន្លែងដដែលញឹកញាប់ពេក ព្រោះគ្មានអីចំណេញទេ ក្រៅពីធ្វើឲ្យខ្លួនអ្នកកាន់តែពិបាកនោះទេ។
