វិធីលាងសម្អាតស្បែកមុខ ឲ្យមានប្រសិទ្ធិភាពដោយមិនប៉ះពាល់ស្បែក

ការលាងសម្អាតស្បែកមុខឱ្យបានហ្មត់ចត់គឺជារឿងសំខាន់សម្រាប់លាងជម្រះភាពកខ្វក់ កោសិកាស្បែកដែលងាប់ គ្រឿងសម្អាង និងអ្វីៗផ្សេងទៀតដែលអាចស្ទះរន្ធញើសរបស់អ្នក ឬបណ្តាលឱ្យមានសភាពស្រអាប់នៅលើស្បែកមុខ។ នេះជារបៀបលាងមុខឱ្យបានត្រឹមត្រូវ ដើម្បីកុំឲ្យប៉ះពាល់ដល់ស្បែកមុខរបស់អ្នក ៖

១. កំណត់រយៈពេលនៃការលាងសម្អាតមុខ

ការកំណត់រយៈពេល 20 ទៅ 30 វិនាទីនៃការលាងសម្អាតស្បែកមុខរបស់អ្នកជាពេលសមស្របក្នុងការលាងសម្អាត ប៉ុន្តែ ការលាងសម្អាតមុខ មិន ត្រូវខ្លាំងពេក ឬ ទុកយូរពេកទេ ព្រោះការធ្វើលើសពីនេះអាចប៉ះពាល់សម្រាប់ស្បែកមុខរបស់អ្នក។

២. តើអ្នកគួរលាងមុខនៅពេលណា?

សម្រាប់មនុស្សស្រីភាគច្រើន គួរតែលាងសម្អាតស្បែករបស់អ្នកពីរដងក្នុងមួយថ្ងៃ៖ នៅពេលព្រឹក និងពេលល្ងាច។ ប៉ុន្តែ ត្រូវលាងសម្អាតមុខជារៀងរាល់យប់កុំឲ្យខាន ព្រោះ ការលាងមុខពេលយប់ គឺជាការណែនាំសម្រាប់អ្នកចាប់ផ្តើមដំបូងក្នុងការថែរក្សាស្បែក និង ការលាងសម្អាតពេលព្រឹកគឺជាការអនុវត្តល្អបំផុត ដែលជួយឲ្យស្បែកមុខរបស់អ្នកមិនងាយកើតមុនឡើយ។ 

៣. ជ្រើសរើសហ្វូមលាងមុខសមស្របនឹងប្រភេទស្បែករបស់អ្នក

ការជ្រើសរើសផលិតផលសម្អាតដែលសមស្របនឹងប្រភេទស្បែកមុខរបស់អ្នក គឺជារឿងសំខាន់ណាស់ ព្រោះជាទូទៅមនុស្សគ្រប់គ្នាមានប្រភេទស្បែកខុសគ្នា ដូច្នេះបើអ្នកជ្រើសរើសផលិតផលមិនត្រូវនឹងស្បែកមុខរបស់អ្នកនោះនឹងបណ្តាលឲ្យប្រតិកម្ម និង ងាយកើតមុន។

៤. ប្រើក្រែមផ្តល់សំណើមរបស់អ្នកបន្ទាប់ពីសម្អាតផ្ទៃមុខ

នេះជាជំហានថែរក្សាស្បែករបស់អ្នក ជាពិសេសការផ្តល់សំណើមអាចធ្វើឱ្យស្បែកមុខរបស់អ្នកមានភាពខុសគ្នាខ្លាំង និង ទទួលបានប្រសិទ្ធភាពបំផុតនៅពេលយប់។ លើសពីនេះ បើពេលព្រឹក និង ពេលថ្ងៃ អ្នកគួរប្រើ sunscreen ជារៀងរាល់ថ្ងៃ ប្រសិនបើក្រែមផ្តល់សំណើមពេលថ្ងៃរបស់អ្នកមិនមាននោះ គួរតែលាបឡេការពារកម្តៅថ្ងៃពីលើ។

៥. ត្រូវប្រាកដថាកន្សែងជូតមុខរបស់អ្នកស្អាត

ការប្រើក្រណាត់ជូតមុខដដែលម្តងហើយម្តងទៀត គឺជាការបង្កឲ្យមានបាក់តេរីកាន់តែច្រើននៅលើផ្ទៃមុខរបស់អ្នក ដែលអាចរួមចំណែកដល់ការកើតមុនបាន និង ធ្វើឲ្យមុខរបស់អ្នកស្រអាប់ផងដែរ។

ខាងលើនេះ ជារបៀបក្នុងការថែរក្សាស្បែកមុខរបស់អ្នក ដើម្បីទទួលបានលទ្ធផលដែលមិនគួរឲ្យជឿសម្រាប់ផ្ទៃមុខរបស់អ្នក។ លើសពីនេះ ត្រូវចាំថា កុំព្យាយាមលាងមុខរបស់អ្នកខ្លាំងៗពេក ព្រោះវាអាចប៉ះពាល់ដល់ស្បែកមុខ និង ងាយឡើងមុនតាមដៃរបស់អ្នក។

ប្រភព ៖ self.com