អ្នកទម្លាប់គេងទាំង Make Up អត់បានលាងមុខចេញ មើលៗផង ព្រោះការគេងទាំងបែបនោះ ស្បែកមុខអ្នកនឹងអាចជួបបញ្ហាច្រើនណាស់។ ខាងក្រោមនេះ ជាបញ្ហាមួួយចំនួន ដែលអ្នកអាចបណ្តាលឲ្យស្បែកមុខអ្នកខូចខាត បើអ្នកគេងទាំង ការ Make Up :
1. រន្ធញើសស្ទះ
ការស្ទះរន្ធញើស គឺបណ្តាលមកពីការប្រមូលផ្តុំនៃកោសិកាស្បែកដែលងាប់ ប្រេង ឬភាពកខ្វក់ ដែលអ្នកមិនបានលាងសម្អាតឲ្យបានត្រឹមត្រូវ។
![](https://vachanamedia.com/wp-content/uploads/2024/04/b2793e3ab27d7ac69cdef320e11ba206.jpg)
2. បណ្តាលឲ្យរលាកស្បែកមុខ
ការទុកឲ្យស្បែកមុខអ្នក ស្ថិតនៅក្រោមការ Make Up យូរពេកដោយមិនបានលាងសម្អាតមុនចូលគេង នោះស្បែកមុខអ្នកអាចមានឡើងក្រហម និង ពេលខ្លះអាចបណ្តាលឲ្យមានការក្រហាយតិចៗលើស្បែកមុខរបស់អ្នកទៀតផង។
3. ងាយកើតមុន
ជាធម្មតាទេ នៅពេលដែលអ្នកមិនបានលាងសម្អាតស្បែកមុខអ្នកឲ្យបានស្អាតល្អ នោះជាមូលហេតុបណ្តាលឲ្យស្បែកមុខអ្នកងាយ កើតមុន ដោយសារតែមិនបានសម្អាត ជាតិកង្វក់ និង ខ្លាញ់ដែលអ្នកបានមកពីគ្រឿង Make up ។
![](https://vachanamedia.com/wp-content/uploads/2024/04/7dbdaa6c947618c611b16712c1c9bb7a.jpg)
4. រង្វង់ភ្នែក មានសភាពហើម និង ដក់
ការទុកគ្រឿង Make up ចោលមួយយប់ដោយមិនបានលាងសម្អាត នឹងធ្វើឲ្យរង្វង់ភ្នែកអ្នកមានសភាពដក់ និង ក្រោមភ្នែកអ្នកមានការហើមតិចៗ ដែលបណ្តាលមកពីសារធាតុនៅក្នុងគ្រឿងសម្អាង។
![](https://vachanamedia.com/wp-content/uploads/2024/04/321c0af5fb2ed17c5ccb422ac6070a0f.jpg)
5. ស្បែកចាប់ផ្តើមស្ងួត គ្មានសំណើម
សំណល់គ្រឿងសម្អាងដែលនៅលើស្បែកមុខអ្នក នឹ រារាំងធាតុផ្សំដែលមានប្រយោជន៍ចំពោះស្បែករបស់អ្នក ដូច្នេះបើអ្នកគេងទាំ Make Up នោះធ្វើឲ្យស្បែកមុខអ្នកគ្មានសំណើម និង ឆាប់ស្ងួតជាដើម។
![](https://vachanamedia.com/wp-content/uploads/2024/04/e7efb56078b63577eafaa7ff7938f91a-513x1024.jpg)
6. ងាយចាស់មុនអាយុ និងឡើងមានស្នាមជ្រួញ
នៅពេលយប់ ស្បែកនឹងដំណើរការស្តារឡើងវិញតាមបែបធម្មជាតិ ដោយធ្វើការជួសជុលដោយខ្លួនឯង ដូច្នេះ ការមិនលុបគ្រឿងសម្អាងរបស់អ្នកនឹងធ្វើឱ្យអ្នកកាន់តែចាស់ ដោយសារតែគ្រឿងសម្អាងដែលលាយឡំជាមួយនឹងភាពកខ្វក់ និងការបំពុលដែលបង្កើតនៅលើស្បែកអាចរារាំងសមត្ថភាពបង្កើតឡើងវិញដោយជោគជ័យនៅពេលយប់។ លើសពីនេះ វាក៏អាចនាំឱ្យមានការបំបែកនៃ collagen នៅក្នុងស្បែកជាហេតុនាំឲ្យស្បែករបស់អ្នកជ្រួញ និង ចាស់ជាងអាយុ ។
![](https://vachanamedia.com/wp-content/uploads/2024/04/2BA1C4F800000578-0-image-a-30_1440454910776-1024x615.jpg)
ទាំងអស់នេះហើយ ដែលធ្វើឲ្យស្បែកអ្នកតែងតែមានបញ្ហាណាមួយកើតឡើង នៅពេលដែលអ្នកមិនបានព្យាយាមលាងសម្អាតគ្រឿងសម្អាងចេញពីស្បេកមុខរបស់ជាញឹកញយ។