ស្ត្រេសខ្លាំងពេកក៏មិនមែនជារឿងល្អសម្រាប់សុខភាព និង ស្បែករបស់អ្នកដែរ។ ដូចនេះកុំទុកឲ្យខ្លួនឯងស្ត្រសតទៅទៀត ចាប់ផ្តើមធ្វើនូវរឿងទាំងនេះ ដើម្បីជួយកាត់បន្ថយការស្ត្រេសរបស់អ្នក ៖
១. ដកដង្ហើមមួយៗឲ្យវែងៗ
បន្ធូរអារម្មណ៍របស់អ្នក ការធ្វើបែបនេះជួយឲ្យអ្នកអាចស្ងប់អារម្មណ៍ និង ថែមទាំងកាត់បន្ថយភាពតានតឹងក្នុងខ្លួនអ្នកផងដែរ។
២. ផឹកតែខ្លះៗ
ដើម្បីរំងាប់អារម្មណ៍មិនល្អ អ្នកអាចទទួលទានតែបាន ព្រោះតែមានសារធាតុដែលអាចកាត់បន្ថយអារម្មណ៍ដែលអ្នកស្មុគស្មាញបានមួយកម្រិតផងដែរ។
៣. សាកល្បងធ្វើយូហ្គា ឬតាំងសមាធិយ៉ាងហោចណាស់ 15នាទី
លំហាត់ប្រាណ ក៏ដូចជាការតាំងសមាធិ គឺកាត់បន្ថយភាពស្ត្រេសនៅក្នុងខ្លួនរបស់អ្នកបានយ៉ាងមានប្រសិទ្ធិភាព ព្រោហការធ្វើបែបនេះជួយឲ្យអ្នកមិនសូវគិតច្រើន ថែមទាំងស្ងប់អារម្មណ៍ដូចគ្នា។
៤. ចេញក្រៅ ឬដើរផ្សារជាមួយមិត្តភក្តិ
ការចេញទៅក្រៅលំហែរអារម្មណ៍ ក៏ជួយកាត់បន្ថយភាពស្ត្រេសបានមួយកម្រិតដែរ បើអ្នកមិនចង់ចេញក្រៅម្នាក់ឯង ដូចនេះហើយអ្នកអាចបបួលមិត្តភក្តិរបស់អ្នក មើលកុន ដើរទិញឥវ៉ាន់ក៏បានដែរ។
៥. ស្តាប់ចម្រៀង និងមើលពីកម្មវីធីកំប្លែង
ការស្តាប់ចម្រៀងទៅតាមប្រភេទបទភ្លេងដែលអ្នកចូលចិត្តក៏អាចបន្ធូរភាពតានតឹងក្នុងខ្លួនរបស់អ្នកបានដែរ ព្រោះអ្នកអាចមានអារម្មណ៍ថាបានសម្រាក ឬក៏បានបន្ធូរអារម្មណ៍តាមភ្លេង និងប៉ារ៉ូលចម្រៀង។
៦. ធ្វើកិច្ចការផ្ទះផ្សេងៗ ដែលមានប្រយោជន៍
មិនចាំបាច់ធ្វើកិច្ចការធ្ងន់ៗពេកនោះទេ ការដែលធ្វើឲ្យខ្លួនឯងរវល់គឺជាវិធីមួយជួយបន្ធូរបន្ថយការស្ត្រេសរបស់អ្នកហើយ ដូចនេះអ្នកអាច ជូតផ្ទះ ឬ ដាំផ្កា និង រៀបចំបន្ទប់គេងរបស់អ្នកក៏បាន។
៧. អានសៀវភៅតាមចំណូលចិត្តរបស់អ្នក
ពិតណាស់ នៅពេលដែលអ្នកអាចសៀវភៅអ្នកនឹងមិនមានអារម្មណ៍ស្ត្រេសទៀតនោះទេ ព្រោះអារម្មណ៍ដែលតានតឹងរបស់អ្នកបានហូរទៅតាមសៀវភៅដែលអ្នកកំពុងអានបាត់ទៅហើយ។
កុំបណ្តោយឲ្យខ្លួនឯងស្ត្រេសរាល់ថ្ងៃពេក ទាំងនេះគឺជាវិធីងាយៗដែលជួយបន្ធូរអារម្មណ៍របស់អ្នកបាន។
