មនុស្សស្រីណាដែលមិនថាចង់បានបុរសល្អម្នាក់ជាគូជីវិតនោះ គ្រប់គ្នាសុទ្ធតែចង់បានសុភមង្គល ប៉ុន្តែពេលខ្លះវាមិនអាចសមដូចបំណងយើង។ តែយ៉ាងណាក៏ដោយគ្មានអ្នកណាល្អគ្រប់យ៉ាងឡើយ ដូច្នេះត្រូវទទួលយក ហើយបើសិនជាអ្នកបានជួបបុរសប្រភេទនេះហើយនោះអ្នកពិតជាសំណាងណាស់៖
១. បុរសដែលបង្កប់ភាពផ្អែមល្ហែម
មនុស្សប្រុសខ្លះមិនសូវចេះនិយាយច្រើនទេ តែគាត់បង្កប់ភាពផ្អែមនៅក្នុងនោះសម្រាប់អ្នក។ គាត់យកចិត្តទុកដាក់ និងការបារម្ភ ពេលខ្លះដោយប្រយោល ឬចំពោះចំណុចតូចៗដែលពេលខ្លះអ្នកមិនរំពឹងថាគាត់ដឹងពីអ្នកផង។
២. បុរសដែលមានគំនិតចាស់ទុំ
មិនមែនមានន័យថាគាត់ជាមនុស្សចាស់កំរិលនោះទេ តែគាត់គឺជាមនុស្សដែលចេះបត់បែនតាមកាលៈទេសៈ ហើយយល់ការងារ មិនធ្វេសប្រហែស និង មានភាពម៉ដ្ឋចត់ក្នុងការងារ។ គិតបានវែង មិនប្រកាន់ច្រើន មិនឆេវឆាវ ហើយមិនត្រចៀកស្រាល។
៣. បុរសដែលបែងចែកពេលវេលាច្បាស់លាស់
គាត់មានការគ្រប់គ្រងពេលវេលាបានច្បាស់លាស់ ពេលធ្វើការ ពេលរៀន ពេលសម្រាប់អ្នក និង ពេលសម្រាប់គ្រួសារ គឺគាត់មិនឲ្យលាយឡំគ្នានោះទេ ហើយក៏មិនឲ្យអ្នកខកពេលនោះដែរ។ ពេលខ្លះគាត់មិនអាចផ្ដល់ឲ្យពេញលេញ តែសំខាន់គាត់តែងតែឆ្លៀតសម្រាប់អ្នក មិនយកលេសនេះលេសនោះមកបាំងមុខ។
៤.មានភាពស្មោះត្រង់ និងទំនួលខុសត្រូវ
គឺជាមនុស្សប្រុសដែលតែងតែរក្សាភាពស្មោះត្រង់មិនថានៅពីមុខអ្នក ឬនៅពីក្រោយអ្នក ហើយតែងមានទំនួលខុសត្រូវលើអ្វីដែលគាត់បានធ្វើ។ គាត់មិនរត់ចោលបញ្ហា តែគាត់ព្យាយាមដោះស្រាយ ជាពិសេសគាត់មិនច្រានបញ្ហានោះឲ្យអ្នក ឬអ្នកជុំវិញខ្លួន។
៥. បុរសដែលតែងតែការពារអ្នក
គ្រប់ពេលគឺគាត់គិតពីអ្នកជាងខ្លួនគាត់ ហើយមិនឲ្យអ្នកលំបាកនោះទេ គឺគាត់ចង់ឃើញអ្នកមានក្ដីសុខ និង ភាពរីករាយ។ ពេលខ្លះគាត់អាចនឹងលាក់បាំងអ្នកពីបញ្ហាដែលគាត់ជួប ព្រោះមិនចង់ឲ្យអ្នកពិបាកចិត្ត។
មនុស្សប្រុសល្អនៅតែមានតែមកពីយើងមិនទាន់ជួប ដូច្នេះមិនបាច់បង្ខំខ្លួនឯងពេកលើរឿងនេះទេ។ អ្វីដែលគង់មក វានឹងមក។
