ការបែកគ្នាអាចនិងឈឺចាប់ខ្លាំង នេះជារឿងធម្មតាទេសម្រាប់ស្នេហា ប៉ុន្តែការឈឺចាប់ជាកម្លាំងចិត្តខ្លាំងបំផុតក្នុងការកែប្រែខ្លួនសម្រាប់មនុស្សស្រីផងដែរ។ នាងប្រើការឈឺចាប់ដើម្បីយកឈ្នះភាពទន់ជ្រាយដែលនាងបានជួបប្រទះបន្ទាប់ពីការបែកបាក់។ ការផ្លាស់ប្តូរខ្លួនឡើងវិញមិនសំដៅលើរូបរាងតែមួយមុខនោះទេ វាគួរតែចាប់ផ្ដើមពីអារម្មណ៍ខាងក្នុងខ្លួននិងផ្លូវចិត្តរបស់អ្នក។
១. រៀនស្រឡាញ់ខ្លួនឯង
ការស្រឡាញ់ខ្លួនឯងជាជំហានដំបូងក្នុងការព្យាបាលរបួសដែលអ្នកមាន និងជាសុភមង្គលដែលអ្នតត្រូវការបន្ទាប់ពីបែកគ្នា។ ការចែកផ្លូវសម្រាប់ស្នេហាមិនមែនមកពីអ្នកមិនល្អគ្រប់គ្រាន់នោះទេ ប៉ុន្តែអ្វីដែលសំខាន់អ្នកត្រូវចេះស្រឡាញ់ខ្លួនឯង និងធ្វើអ្វីដែលជាក្តីសុខរបស់ខ្លួនឯង នៅពេលអ្នករៀនស្រឡាញ់ខ្លួនឯងពិតប្រាកដនោះជីវិតអ្នកនិងប្រសើរឡើង។
២. ទទួលយកអ្វីថ្មីៗក្នុងជីវិត
មិនមែនអ្វីដែលថ្មីមិនអាចសមនឹងអ្នកនោះទេ ដូច្នេះអ្នកគួរតែរៀនបើកចិត្តទទួលយកវា និងសាកល្បងកែទម្លាប់ដែលបិទជិតខ្លួនឯងក្រោយការបែកបាក់នោះ។ អ្នកសាកធ្វើពីអ្វីដែលជួយឲ្យអ្នកមិនមានអារម្មណ៍ថារំខាន ការគូររូប ថតរូប ថតវីដេអូធ្វើម្ហូប ឬធ្វើជា Vlog ដើរលេង និយាយទៅសាកល្បងបង្ហាញពីអ្វីដែលអ្នកចូលចិត្ត ហើយភ្លេចធ្វើពេលដែលរវល់តែដេញចាប់គេ។
៣. ផ្លាស់ប្តូរ style
ការផ្លាស់ប្តូរ styleប្រចាំខ្លួនក៏ជារឿងល្អដែរ ព្រោះវាមើលទៅមិនដដែលៗពេក លើសពីនេះវាជារឿងល្អដែលធ្វើឲ្យអ្នករៀនពីអ្វីដែលថ្មី និងមានការផ្លាស់ប្តូរដើម្បីរកឃើញខ្លួនឯង។ ការជ្រើសរើសសម្លៀកបំពាក់ រៀបចំខ្លួនឥ្យស្អាតៗសម្រាប់ខ្លួនឯងវាក៏អាចធ្វើឱ្យអ្នកមានទំនុកចិត្តកាន់តែខ្លាំងសម្រាប់ការផ្លាស់ប្តូរមួយនេះ។ ពេលខ្លះរឿងតូចៗតែវាពិតជាអាចជួយឲ្យអ្នកអារម្មណ៍ល្អ និងឆាប់ជារបួសក្នុងចិត្តផងដែរ។
៤. បង្កើតទំនាក់ទំនងជាមួយមនុស្សថ្មីៗ
ការបង្កើតទំនាក់ទំនងល្អសម្រាប់មនុស្សជុំវិញខ្លួនជារឿងមួយផ្នែកដែលធ្វើឲ្យអ្នកកាន់តែប្រសើរ ព្រោះនៅពេលដែលអ្នកមានទំនាក់ទំនងល្អជាមួយមនុស្សខុសៗគ្នា អាចធ្វើឲ្យអ្នកយល់ដឹងពីរឿងប្លែកៗកាន់តែច្រើននិងទទួលបានបទពិសោធន៍ល្អៗ និងចំណេះដឹងថ្មីៗដែលអ្នកបានរៀនពីពួកគេ។
៥. ឈប់រំលឹកពីរឿងចាស់ៗ
នៅពេលដែលអ្នកបែកគ្នាកុំនិយាយពីអតីតកាលដែលហួសទៅ អ្នកគួរតែកុំទាក់ទងទៅអតីតមិត្តប្រុសអ្នក។ វាអាចជាគំនិតដ៏ល្អក្នុងការលុបលេខរបស់គាត់ និងឈប់តាមដានគណនីប្រព័ន្ធផ្សព្វផ្សាយសង្គមរបស់គាត់ផងដែរ ដោយសារតែទំនាក់ទំនងរបស់អ្នកត្រូវបានបញ្ចប់ហើយ។
បន្ទាប់ពីទំនាក់ទំនងមួយបានបញ្ចប់ យើងមានអារម្មណ៍ថាដូចជាពិភពលោកទាំងមូលរបស់យើងទើបតែដួលរលំ អ្នកត្រូវការពេលវេលាដើម្បីយល់ថានេះមិនមែនជាការពិតទេ។ ប៉ុន្តែស្ថានភាពនេះគឺពេលវេលាដែលអ្នកគួរតែចេះស្រឡាញ់និងផ្លាស់ប្តូរខ្លួនឯង និង ធ្វើឱ្យខ្លួនអ្នកឆ្លងកាត់ការឈឺចាប់ ហើយព្យាយាមព្យាបាលធ្វើវាតាមវិធីដែលមានសុខភាពល្អបំផុត។ ថែរក្សាខ្លួនអ្នកឱ្យបានច្រើនតាមដែលអ្នកអាចធ្វើបាន ទោះបីជាអ្នកត្រូវឆ្លងកាត់ការបែកបាក់និងឈឺចាប់ខ្លាំង។
បញ្ចេញមតិយោបល់
