ភាពអវិជ្ជមានតែងតែមាននៅក្នុងខ្លួនមនុស្សគ្រប់គ្នា ប៉ុន្តែត្រូវដឹងថាអ្នកអាចគ្រប់គ្រងវាដោយរបៀបណា ទើបមិនអាចឲ្យខ្លួនឯងមានបញ្ហាដោយសារតែភាពអវិជ្ជមានទាំងនោះ។ កត្តាខាងក្រោមនេះគឺ ជាទម្លាប់មួយចំនួនដែលសុទ្ធសឹងតែអាចបំផ្លាញខ្លួន និង ទឹកចិត្តរបស់អ្នកដោយអ្នកគ្រាន់តែយកមកគិតតែប៉ុណ្ណោះ៖
១. ការសង្ស័យខ្លួនឯង
ចំណុចនេះមានន័យថា អ្នកមិនសូវជឿលើខ្លួនឯង 100% នោះទេ ដោយសារតែអ្នកគ្មានទំនុកចិត្តលើអ្វីដែលខ្លួនឯងបានធ្វើ អ្នកសង្ស័យសមត្ថភាពដែលខ្លួនឯងមាន និង សង្ស័យពីនេះ ពីនោះ និង អ្វីដែលមិនទាន់កើតឡើងចំពោះខ្លួនឯង នេះជាសញ្ញាដែលបង្ហាញថាអ្នកមានភាពអវិជ្ជមានចំពោះខ្លួនឯងហើយ។
២. ការវិនិច្ឆ័យលើខ្លួនអ្នកទៅកាន់អ្នកដទៃ
នៅពេលអ្នកវិនិច្ឆ័យចំពោះខ្លួនឯងជាមួយអ្នកណាម្នាក់គ្រាន់តែផ្តោតលើគុណសម្បត្តិអវិជ្ជមាននៅក្នុងខ្លួនរបស់អ្នក ទៅប្រៀបធៀបជាមួយអ្នកដទៃប៉ុណ្ណោះ ផ្ទុយមកវិញអ្នកមិនដែលយកចំនុចល្អរបស់អ្នកលើកមកនិយាយនោះទេ នេះមានន័យថាអ្នកកំពុងបំផ្លាញខ្លួនឯងក្នុងការគិតអវិជ្ជមាន និង ប្រៀបធៀបខ្លួនឯងចំពោះអ្នកដទៃដែលល្អជាងខ្លួនឯងដោយមិនទទួលយកអ្វីជាខ្លួនឯង។
៣. ព្រួយបារម្ភច្រើន
ការព្រួយបារម្ភច្រើនជួយអីមិនបានទេ ក្រៅពីធ្វើឲ្យផ្លូវចិត្តរបស់អ្នកកាន់តែដុនដាបនោះទេ ថែមទាំងបានផ្លាស់ប្តូរឲ្យរាងកាយ និង ស្ថានភាពផ្លូវចិត្តរបស់អ្នកកាន់តែស្មុគស្មាញពីមួយថ្ងៃទៅមួយថ្ងៃផងដែរ។ ដូចនេះនៅពេលដែលអ្នកគិតច្រើន និង បារម្ភច្រើនធ្វើឲ្យអ្នកមិនបានធូរស្រាលក្នុងខ្លួនរបស់អ្នកទេ ថែមទាំងអាចឲ្យអ្នកឈានដល់ការគិតពីភាពអវិជ្ជមានជុំវិញខ្លួនឯងទៀតផង។
៤. ពូកែត្អូញត្អែរ
នៅពេលអ្នកផ្តោតលើរឿងអវិជ្ជមានច្រើនពេក អ្នកពិតជាគិតថាខ្លួនឯង មិនដែលសប្បាយចិត្ត រីករាយ និង មានក្តីសុខឡើយ។ ជាពិសេសអ្នកតែងតែត្អូញត្អែរពីរឿងមិនល្អដែលកើតឡើងចំពោះអ្នកនៅជុំវិញអ្នកដទៃ ធ្វើបែបនេះ មនុស្សដែលនៅជុំវិញខ្លួនរបស់អ្នកនិង និយាយ សើចចំអកថាអ្នកពូកែត្អូញត្អែរ ដែលសម្តីទាំងនេះអាចមានឥទ្ធិពលទៅបំផ្លាញទឹករបស់អ្នកដោយអ្នកមិនបានដឹងខ្លួន។
៥. មិនដែលសរសើរខ្លួនឯង
ច្បាស់ណាស់អ្នកមិនដែលមានអារម្មណ៍ថាពេញចិត្តចំពោះអ្វីដែលអ្នកបានធ្វើឡើយ ថែមទាំងព្យាយាមទៅសរសើរពីចំណុចល្អរបស់អ្នកដទៃ ដោយមើលរំលងខ្លួនឯង។ ម្យ៉ាងទៀតការធ្វើបែបនេះជារឿយៗនិងនាំអ្នកឲ្យស្តីបន្ទោសខ្លួនឯង មិនល្អចំពោះលទ្ធផលរបស់ខ្លួន និង មានអារម្មណ៍ថាខ្លួនឯងអន់ជាងអ្នកដទៃ។
៦. ព្យាយាមគ្រប់គ្រងអ្វីៗគ្រប់យ៉ាងឲ្យល្អឥតខ្ចោះ
ត្រូវចាំថាអ្នកមិនអាចគ្រប់គ្រងអ្វីគ្រប់យ៉ាងបានទេហើយនៅពេលដែលអ្នកព្យាយាមសម្រេចនូវអ្វីមួយដោយចង់បានឲ្យល្អឥតខ្ចោះក៏ទៅមិនរួចដែរ ដូចនេះកុំព្យាយាមចង់បានអ្វីដែល perfect ពេក ត្រូវរៀនបរាជ័យខ្លះទើបអ្នកមិនអាចបំផ្លាញទឹកចិត្តរបស់អ្នកដោយការបន្ទោសខ្លួនឯង។
ឈប់គិតពីភាពអវិជ្ជមានចំពោះខ្លួនឯងច្រើនពេក ជីវិតអ្នកណាក៏ជួបរឿងមិនល្អដែរ ប៉ុន្តែកុំមានទម្លាប់ដូច៦ចំណុចខាងលើនេះគឺអាចអ្នកបំផ្លាញទឹកចិត្តរបស់ខ្លួនឯងឲ្យកាន់តែអាក្រក់ពីមួយថ្ងៃទៅមួយថ្ងៃ។
បញ្ចេញមតិយោបល់
