ទំនាក់ទំនងដែលមានភាពរឹងមាំ គឺជាទំនាក់ទំនងដែលពោរពេញទៅដោយក្ដីស្រឡាញ់ ក្តីអាណិត ការទុកចិត្ត និង មានហេតុផលដែលល្អសម្រាប់គ្នា។ លើសពីនេះ ទំនាក់ទំនងប្រភេទនេះ គឺដៃគូទាំងពីរមានអារម្មណ៍គោរព ស្រឡាញ់ និងមានសុវត្ថិភាពគ្រប់គ្រាន់ដើម្បីបើកចិត្តទទួលយកគ្នាទៅវិញទៅមក។ ខាងក្រោមនេះជាសញ្ញាបញ្ជាក់នៃទំនាក់ទំនងដែលរឹងមាំមួយ ដែលមិនងាយបែកគ្នា ៖
១. តែងតែនិយាយសុំទោសចំពោះគ្នា
នៅក្នុងទំនាក់ទំនងស្នេហា មិនថាអ្នកចុះសម្រុងគ្នាបានល្អប៉ុណ្ណាទេ វានឹងមានពេលឈ្លោះគ្នា ប៉ុន្តែទោះជាយ៉ាងណាអ្វីដែលធ្វើឱ្យទំនាក់ទំនងរបស់អ្នកកាន់តែរឹងមាំនោះ គឺការនិយាយសុំទោសចំពោះគ្នាជាជាងនិយាយពាក្យបែក ។ ម្យ៉ាងទៀត ប្រសិនបើអ្នកទាំងពីរអាចនិយាយថាអ្នកសុំទោស និងមិនប្រកាន់ខ្ជាប់អ្នកណាខុស នោះគឺជាសញ្ញានៃភាពរឹងមាំនៅក្នុងទំនាក់ទំនង ហើយក៏ជារឿងសំខាន់ដែលអ្នកត្រូវធ្វើ។
២. ដឹងពីអារម្មណ៍របស់គ្នាទៅវិញទៅមក
គូស្នេហ៍ដែលស្រឡាញ់គ្នាពិត ត្រូវ ស្គាល់ច្បាស់ពីចិត្តគ្នាទៅវិញទៅមក ដែលមានរឿងអ្វីអាចមើលដឹងពីចិត្តគ្នា ទោះបីជាមិននិយាយក៏ដោយ។ នៅក្នុងទំនាក់ទំនងដែលរឹងមាំត្រូវមើលឃើញពីចំណុចដែលដៃគូខ្វះខាតហើយត្រូវនិយាយកែលម្អគ្នាទៅវិញទៅមក នេះសញ្ញាសំខាន់នៃទំនាក់ទំនងដែលរឹងមាំ។
៣. លើកទឹកចិត្តគ្នាទៅវិញទៅមក
ក្នុងទំនាក់ទំនងមួយដែលអាចដើរទៅមកបាន ត្រូវមានការគាំទ្រគ្នា និង អ្នកលើកទឹកចិត្តគ្នាទៅវិញទៅមក ដើម្បីឲ្យដៃគូកាន់តែប្រសើរទៅមុខ។ ការលើកទឹកចិត្តដល់ដៃគូ ឲ្យដើរតាមក្តីសុបិន និងចំណង់ចំណូលចិត្តគឺជារឿងសំខាន់ក្នុងទំនាក់ទំនងស្នេហា។ លើសពីនេះ ក្នុងទំនាក់ទំនងមួយដែលអាចដើរទៅមកបាន ត្រូវមានការគាំទ្រគ្នា និង អ្នកលើកទឹកចិត្តគ្នាទៅវិញទៅមក ដើម្បីឲ្យដៃគូកាន់តែប្រសើរទៅមុខ ដោយមិនមែនមានការច្រណែនដៃគូដែលល្អជាង ប៉ុន្តែចង់ឲ្យដៃគូធ្វើបានល្អបំផុតសម្រាប់អ្នកដទៃ។
៤. លះបង់ដើម្បីគ្នាទៅវិញទៅមក
នៅក្នុងទំនាក់ទំនងដ៏ល្អ អ្នកត្រូវតែហ៊ានកាត់បន្ថយការរំពឹងទុកមួយចំនួនរបស់អ្នកទៅលើដៃគូ ព្រោះ ជីវិតដើរជាមួយគ្នា ជួនកាលអាចមានការពិបាក និង ទាមទារឲ្យមានការលះបង់ច្រើនចំពោះគ្នាទៅវិញទៅមក មិនថាជារឿងតូច ឬ ធំប៉ុណ្ណោះទេ ត្រូវតែបើកចិត្តឲ្យទូលាយមិនត្រូវអាត្មានិយម នេះហើយជាសញ្ញាដែលអ្នកស្ថិតក្នុងទំនាក់ទំនងដែលរឹងមាំ។
៥. ធ្វើការសម្រេចចិត្តរួមគ្នា
ទំនាក់ទំនងដែលល្អគឺ តែងតែពិភាក្សា និង ដោះស្រាយជាមួយគ្នាទៅវិញទៅមកហើយធ្វើការសម្រេចចិត្តដោយស្របយោបល់គ្នា ដោយមិនមានម្ខាងណាមិនពេញចិត្តឡើយ ធ្វើបែបនេះទើបអាចធ្វើឲ្យទំនាក់ទំនងរបស់អ្នកកាន់តែរឹងមាំ។
៦. បង្កើតភាពសប្បាយរីករាយជាមួយគ្នា
ទំនាក់ទំនងដ៏ល្អបំផុតដែលអាចផ្តល់ឱ្យដៃគូនោះគឺ បង្កើតភាពរីករាយជាមួយគ្នា ឆ្លងកាត់គ្រាដ៏គួរឱ្យអស់សំណើចជាមួយ នឹងព្យាយាមបន្ថែមទម្លាប់ថ្មីនៃសុខភាពផ្លូវចិត្ត និងទ្រទ្រង់ស្នេហារបស់អ្នកឲ្យមានការសប្បាយចិត្តច្រើនទោះបីជាជួបពេលវេលាដ៏លំបាកក៏ដោយ។
ទំនាក់ទំនងដែលរឹងមាំគឺ ជាអ្វីដែលអ្នកត្រូវយល់ពីគ្នាទៅវិញទៅមក ធ្វើការសម្រេចចិត្តរួមគ្នា បង្កើតភាពរីករាជាមួយគ្នា ផ្តល់ការគោរព និង ឲ្យតម្លៃគ្នាទៅវិញទៅមក មិនបោះបង់គ្នា និង មានភាពស្មោះត្រង់ចំពោះគ្នានៅក្នុងទំនាក់ទំនងស្នេហា។
បញ្ចេញមតិយោបល់
