ការថប់បារម្ភ គឺជារឿងមួយមិនល្អសម្រាប់មនុស្សពូកែគិតច្រើន ដែលជាហេតុធ្វើឲ្យអ្នកងាយភ័យខ្លាច និងមានការបារម្ភខ្លាំងពីរឿងមិនទាន់បានកើតឡើង។ ប៉ុន្តែ ទោះអ្នកមានការថប់បារម្ភយ៉ាងណាក៏ដោយ ខាងក្រោមនេះជាវិធីសាមញ្ញក្នុងការជួយអ្នកដើម្បីរំងាប់ការថប់បារម្ភឲ្យមានប្រសិទ្ធិភាពបំផុត ៖
១. ការធ្វើយូហ្កា
ការធ្វើយូហ្គាពីរបីដងក្នុងមួយសប្តាហ៍គឺ មានឥទ្ធិពលយ៉ាងខ្លាំងទៅលើការគិតច្រើន និងការថប់បារម្ភរបស់អ្នក ព្រោះវាអាច រំងាប់ភាពតានតឹង ការភ័យខ្លាចដែលអ្នកមាន ព្រមទាំងជួយដល់សុខភាពផ្លូវចិត្តរបស់អ្នក ឲ្យមានភាពស្ងប់ស្ងាត់និងមានការគិតវិជ្ជមានច្រើនជាងមុន។
២. ការគេង
ការគេង គឺជាជម្រើសដែលល្អនៅពេលដែលអ្នកមានអារម្មណ៍ថាគិតច្រើន និង កើតជម្ងឺថប់បារម្ភ ព្រោះនៅពេលដែលអ្នកគេងបានគ្រប់គ្រាន់ វានឹងជួយកាត់បន្ថយអារម្មណ៍ដែលស្មុគស្មាញនៅក្នុងចិត្តរបស់អ្នក។
៣. ការស្តាប់ចម្រៀង
ពេលដែលអ្នកមានអារម្មណ័មិនសប្បាយចិត្ត មានការថប់បារម្ភច្រើនអ្នកអាចស្តាប់ចម្រៀងដើម្បីធ្វើឲ្យអារម្មណ៍របស់អ្នកបាន ព្រោះចម្រៀងអាចបន្ធូរអារម្មណ៍របស់អ្នកបានមួយកម្រិតផងដែរ។ ម្យ៉ាងទៀត អ្នកអាចសាកល្បង បង្កើតចង្វាក់រាំជាមួយចម្រៀងបែបរីករាយ ឬញាក់ដើម្បីកាត់បន្ថយការគិតច្រើនរបស់អ្នកបាន។
៤. រៀនទទួលយក
ជារឿយៗនៅពេលដែលអ្នកមានការថប់បារម្ភ អ្នកអាចវិនិច្ឆ័យខ្លួនឯងដោយគិតពីនេះពីនោះឥតឈប់ឈរ ប៉ុន្តែអ្នកត្រូវតែហ៊ានប្រឈមមុខ និងទទួលយករឿងដែលអ្នកបានឆ្លងកាត់ កុំព្យាយាមគិតពីអ្វីដែលមិនទាន់កើតឡើង នោះអាចជួយឲ្យអ្នកបានធូរស្បើយក៏ថាបាន។
ជាការប្រសើរណាស់ នេះជាវិធីទាំង ៤ យ៉ាងដែលជួយឲ្យអ្នកអាចកាត់បន្ថយការថប់បារម្ភដែលអ្នកអាចអនុវត្តពេលដែលអ្នកមានអារម្មណ៍ថាគិតច្រើន បារម្ភច្រើន និង ចេះតែភ័យខ្លាចសម្រាប់អ្វីដែលមិនទាន់កើតឡើងចំពោះអ្នក និង នៅពេលដែលអ្នកគ្មានដំណោះស្រាយ។
បញ្ចេញមតិយោបល់
