ជីវិតរបស់យើងម្នាក់ៗ មិនអាចឈរធ្មឹងមួយកន្លែងបានទេ គឺត្រូវតែមានការប្រែប្រួលឥតឈប់ឈរ ដូច្នេះហើយអ្នកក៏ត្រូវតែផ្លាស់ប្តូរខ្លួនអ្នកដូចគ្នា។ ខាងក្រោមនេះជាគន្លឹះ ៥ យ៉ាងដែលជួយឲ្យអ្នកផ្លាស់ប្តូរខ្លួនឯងបានត្រឹមតែរយៈពេល ២ ទៅ ៣ខែ។
១. ទម្លាប់ក្រោកពីព្រលឹម
ទម្លាប់នេះអាចប្រហែលជាពិបាកសម្រាប់អ្នកចូលគេងយប់ជ្រៅ ប៉ុន្តែនៅពេលអ្នកទម្លាប់ក្រោកពីព្រលឹមរាងកាយរបស់អ្នកនឹងមិនសូវស្ពឹក ថែមទាំងធ្វើសកម្មភាពបានរហ័សផងដែរ។ មួយវិញទៀត ទម្លាប់នេះក្នុងថ្ងៃដំបូងអាចធ្វើឲ្យអ្នកអស់កម្លាំង ឬក៏ក្រោកមិនរួច ប៉ុន្តែមួយសប្តាហ៍អ្នកនឹងទម្លាប់បាន។
២. កែប្រែផ្នត់គំនិតរបស់អ្នក
ការគិត គឺជាផ្នែកមួយដ៏សំខាន់នៃរាងកាយរបស់មនុស្សដែលអាចធ្វើការផ្លាស់ប្តូរបាន ដូចនេះ សាកល្បងផ្លាស់ប្តូរផ្នត់គំនិតរបស់អ្នកឡើងវិញ ព្រោះ ពេលខ្លះអ្នកអាចឃើញអ្វីដែលថ្មីជាមួយនឹងគំនិតថ្មីៗរបស់អ្នក។
៣. ស្រឡាញ់ និងមើលថែខ្លួនឯង
ការស្រឡាញ់ និង មើលថែខ្លួនឯង មិនមែនជារឿងអាត្មានិយមនោះទេ ព្រោះការមើលថែខ្លួនឯងជារឿងសំខាន់ណាស់ មិនថាទាំងផ្លូវកាយនិងផ្លូវចិត្តរបស់អ្នក។ ត្រូវចាំនៅពេលដែលអ្នកចេះស្រឡាញ់ខ្លួនឯង និង មើលថែខ្លួនឯង ជីវិតអ្នកនឹងប្រសើរឡើង។
៤. រស់នៅក្នុងពេលបច្ចុប្បន្ន
ជីវិតអ្នកប្រាកដជាល្អឡើងវិញ នៅពេលដែលអ្នករៀនដោះលែងអតីតកាល។ លើសពីនេះ ការរស់នៅក្នុងបច្ចុប្បន្ន ធ្វើឲ្យអ្នកអាចអភិវឌ្ឍខ្លួនឯងឲ្យកាន់តែល្អជាងអតីតកាល ព្រោះមនុស្សម្នាក់ៗមិនអាចរស់ក្នុងអតីតកាលបានរហូតទេ។
៥. ឈប់ប្រៀបធៀប
ចង់ឃើញជីវិតរបស់អ្នកផ្លាស់ប្តូរ កុំព្យាយាមយកខ្លួនឯងទៅប្រៀបធៀបជាមួយអ្នកដទៃ ព្រោះគ្មានបានអ្វីក្រៅពីធ្វើឲ្យអ្នកអន់ចិត្តចំពោះខ្លួនឯងទេ។ស្រឡាញ់អ្វីជាខ្លួនឯង ពេញចិត្តអ្វីដែលអ្នកកំពុងមាន ទើបធ្វើឲ្យអ្នកមានក្តីសុខជាងប្រៀបធៀបអ្នកដទៃ។
ចង់ឃើញជីវិតរបស់អ្នកផ្លាស់ប្តូរ ត្រូវរៀនផ្លាស់ប្តូរទម្លាប់ និង ការគិតរបស់ខ្លួនឯងជាមុនសិន ព្រោះការផ្លាស់ប្តូរ គឺជាដំណើរការមួយដែលជួយឲ្យអ្នកាន់តែរីកចម្រើន និងមានក្តីសុខ។
