ពីមួយថ្ងៃទៅមួយថ្ងៃ ខ្ញុំកាន់តែស្រឡាញ់អ្នកជាងពីមុនទៅទៀត ខ្ញុំមិនចង់បាត់បង់អ្នកទេ ហើយក៏ចង់ឲ្យអ្នកមានអារម្មណ៍បែបនេះដាក់ខ្ញុំដូចគ្នា។ មិនចង់ធ្វើជាមនុស្សម្នាក់ ដែលអ្នកយកកំដរអារម្មណ៍័មួយពេលឡើយ ប៉ុន្តែខ្ញុំចង់ក្លាយជាមនុស្សម្នាក់ដែលអ្នកចង់កាន់ដៃខ្ញុំតស៊ូជាមួយគ្នានៅថ្ងៃខាងមុខ។
លើសពីនេះ ខ្ញុំចង់ក្លាយជាមនុស្សដែលអ្នកយកចិត្តទុកដាក់ចេញពីចិត្តពិតប្រាកដ មែនមែនគ្រាន់តែធ្វើបង្ក្រប់តួនាទីរបស់អ្នកឡើយ ហើយខ្ញុំសង្ឃឹមទៀតថា ខ្ញុំអាចធ្វើឲ្យអ្នកមានអារម្មណ៍ថាគ្រប់គ្រាន់នៅពេលមានវត្តមានរបស់ខ្ញុំ។ ខ្ញុំមិនចង់បានអ្វីច្រើនទេ ខ្ញុំចង់ក្លាយជាមនុស្សម្នាក់ ដែលអ្នកចង់កសាងអនាគតជាមួយនៅថ្ងៃណាមួយ មិនមែនគ្រាន់តែជាមនុស្សម្នាក់ដែលអ្នកចង់នៅជាមួយតែមួយថ្ងៃនោះទេ ព្រោះខ្ញុំពិតជានឿយហត់ក្នុងការចាប់ផ្តើមទំនាក់ទំនងជាមួយមនុស្សថ្មីៗម្តងហើយម្តងទៀតណាស់។
ម្យ៉ាងទៀត ខ្ញុំជាប្រភេទមនុស្សដែលមិនត្រឹមតែចង់បានទំនាក់ទំនងមួយដែលយូរអង្វែងប៉ុណ្ណោះទ ប៉ុន្តែខ្ញុំជាមនុស្សម្នាក់ដែលចង់ឱ្យទំនាក់ទំនងរបស់ខ្ញុំស្ថិតស្ថេររហូតដល់ទីបញ្ចប់ជាមួយអ្នកដែលខ្ញុំស្រឡាញ់។ ខ្ញុំមិនដឹងថាខ្ញុំស្រលាញ់អ្នកខ្លាំងប៉ុណ្ណានោះទេ ប៉ុន្តែអ្នកពិតជាសំខាន់ចំពោះខ្ញុំខ្លាំងណាស់ ដូចនេះហើយ ទើបខ្ញុំចង់ឲ្យអ្នកអាចស្រឡាញ់ខ្ញុំឲ្យបានយូរអង្វែងតាមដែលអ្នកអាចធ្វើទៅបាន។
ចុងក្រោយ ខ្ញុំគ្រាន់តែចង់បានមនុស្សម្នាក់ ដែលស្មោះត្រង់គ្រប់គ្រាន់ដើម្បីទទួលបានការស្រឡាញ់ដោយគ្មានលក្ខខណ្ឌរបស់ខ្ញុំ និង អាចកាន់ដៃខ្ញុំទៅដល់ថ្ងៃអនាគតជាមួយគ្នាបានតែប៉ុណ្ណោះ។
