ព្រោះ មនុស្សស្រីបែបនេះ គឺតែងតែមានចំណុចពិសេសមួយ ដែលទាក់ចិត្តមនុស្សប្រុសឲ្យលង់ស្រឡាញ់បាន ហើយភាពទាក់ទាញនោះមិនមែនកើតចេញពីភាពស្អាតនិងសម្រស់នោះទេ ប៉ុន្តែប្រហែលអាចជារឿងទាំង ៥ នេះ ៖
១. ស្នាមញញឹម
ស្នាមញញឹមរបស់មនុស្សស្រីគ្រប់រូបគឺស្រស់ស្អាតណាស់ ដូចនេះហើយមនុស្សប្រុសអាចនឹងចូលចិត្តស្នាមញញឹមរបស់មនុស្សស្រីជាជាងសម្រស់ ហេតុនេះហើយទើបមនុស្សស្រីខ្លះតុបតែងខ្លួនសាមញ្ញទេ ប៉ុន្តែធ្វើឲ្យមនុស្សប្រុសលង់ស្រឡាញ់បាន។
២. ភាពចិត្តល្អ
ការមានទឹកចិត្តបរិសុទ្ធ និង ភាពចិត្តល្អ ក៏ជាចំណុចមួយដែលអាចធ្វើឲ្យមនុស្សប្រុសស្រឡាញ់មនុស្សស្រីបានដែរ ព្រោះភាពចិត្តល្អតែងតែធ្វើឲ្យមនុស្សស្រីកាន់តែមានតម្លៃសម្រាប់មនុស្សប្រុស។ អ្វីដែលសំខាន់ ចិត្តល្អត្រូវមើលមនុស្សផង។
៣. ក្តីស្រឡាញ់
ក្តីស្រឡាញ់របស់មនុស្សស្រីប្រហែលអាចតឹងតែងបន្តិច ប៉ុន្តែបើចេះកំណត់ព្រំដែនផ្ទាល់ខ្លួននោះមិនងាយធ្វើឲ្យមនុស្សប្រុសឆាប់អស់ចិត្តនោះទេ។ ម្យ៉ាងទៀត ត្រូវរៀនទុកចន្លោះសម្រាប់គ្នាទៅវិញទៅមក។
៤. ក្លិនខ្លួន
ក្លិនខ្លួនសម្រាប់មនុស្សស្រីគឺ សំខាន់ណាស់ ដូចនេះហើយ ត្រូវរក្សាខ្លួនរបស់អ្នកឲ្យមានក្លិនក្រអូប ព្រោះមនុស្សប្រុសណាក៏ចូលចិត្តនៅក្បេរមនុស្សស្រីដែលមានក្លិនប្រហើរដែរ។
៥. អាកប្បកិរិយា
ជាធម្មតាទេ អ្វីដែលជាខ្លួនឯងត្រូវតែធ្វើ ប៉ុន្តែការរក្សាអាកប្បកិរិយាឲ្យសមរម្យក៏ជារឿងមួយសំខាន់ដែរ។ បើយើងមានកាយវិកាច្រង៉េងច្រង៉ាង ក៏មិនសូវមានមនុស្សប្រុសដែលហ៊ានចូលចិត្តដែរ។
ចំណុចទាំងអស់នេះហើយ អាចធ្វើឲ្យមនុស្សប្រុសលង់ស្រឡាញ់មនុស្សស្រីម្នាក់ដោយមិនដឹងខ្លួន ទោះបីជាពេលខ្លះមនុស្សស្រីទាំងនោះសាមញ្ញធម្មតា ក៏អាចឆក់យកចិត្តមនុស្សប្រុសដោយសារតែចំណុចទាំង ៥ ខាងលើនេះ ។
