ស្នេហា មិនមែនជាការបង្ខំឲ្យនរណាមកស្រឡាញ់អ្នក និង មកចាប់ដៃអ្នកដើរទៅមុខនោះទេ ប៉ុន្តែជាការស្មគ្រ័ចិត្តទាំងសងខាងក្នុងការចាប់ដៃដើរជាមួយគ្នាដោយក្តីស្រឡាញ់មួយ។ ពេលខ្លះអ្នកមិនអាច បង្ខំទំនាក់ទំនងឲ្យទៅមុខបានឡើយ បើស្នេហារបស់អ្នកតែងតែឈ្លោះគ្នារៀងរាល់ថ្ងៃនោះ។
មានពេលខ្លះ ការបញ្ចប់វាល្អជាងការបន្តទៅមុខ ព្រោះមិនមែនគ្រប់ការបញ្ចប់ទំនាក់ទំនងមិនមែនសុទ្ធតែជារឿងអាក្រក់នោះទេ ប៉ុន្តែវាក៏ល្អជាងកាន់ដៃមនុស្សដែលមិនយល់ពីអ្នក មិនដឹងថាអ្នកជានរណាពិតប្រាកដ។ មិនថាអ្នកចាប់ផ្តើមជាមួយនរណា អ្នកមិនអាចបង្ខំឱ្យមនុស្សម្នាក់នោះយកចិត្តទុកដាក់ជាមួយអ្នកគ្រប់ពេលនោះទេ។
ត្រូវចាំថា អ្នកមិនអាចបង្ខំនរណាម្នាក់ឱ្យស្មោះត្រង់ជាមួយអ្នកបានទេ បើសិនជាគេចង់ក្បត់។ ដូចនេះហើយ អ្នកត្រូវតែយល់ពីរឿងខ្លះដែលចង់ចូលមកក្នុងជីវិតរបស់អ្នក ព្រោះរឿងខ្លះ មនុស្សខ្លះទៀតយើងមិនអាចបង្ខំបានឡើយ។
អ្វីគ្រប់យ៉ាងសុទ្ធតែត្រូវការពេល មិនមែនចាប់បង្ខំក៏បាននោះទេ ហេតុនេះហើយ ទើបស្នេហាត្រូវមកតាមសម្រួលទើបមានន័យជាជាងអ្នកបង្ខំក្តីស្រឡាញ់មួយដែលមិនសក្តិសមនឹងអ្នក។
