កុំជ្រើសយកមនុស្សប្រុសដែលស្អាត ឬក៏សង្ហា ប៉ុន្តែត្រូវជ្រើសរើសមនុស្សប្រុសដែលអាចអត់ធ្មត់នឹងអ្នកបាន។ កុំរស់នៅជាមួយមនុស្សប្រុសដែលមិនចេះទ្រាំនឹងភាពងក់ងររបស់អ្នក ប៉ុន្តែត្រូវជ្រើសយកមនុស្សប្រុសដែលព្យាយាមលួងលោមអ្នកនៅពេលដែលអ្នកអន់ចិត្តចំពោះគេ។
លើសពីនេះ កុំស្រឡាញ់មនុស្សប្រុសដែលពូកែកុហក ពូកែលាក់បាំង និង មនុស្សប្រុសដែលរញ៉េរញ៉ៃជាមួយមនុស្សស្រីច្រើន ព្រោះធ្វើឲ្យអ្នកកាន់តែហត់នឿយនឹងហួងហែងពួកគេប៉ុណ្ណោះ។ ផ្ទុយមកវិញ ស្រឡាញ់មនុស្សប្រុសបែបនេះ ទើបផ្លូវចិត្តរបស់អ្នកកាន់តែប្រសើរ និង ល្អជាងមុន ត្រូវស្រឡាញ់មនុស្សប្រុសដែលចេះគ្រប់គ្រងអារម្មណ៍ មនុស្សប្រុសដែលចិត្តត្រជាក់ និង មិនស្រែកដាក់អ្នកនៅពេលឈ្លោះគ្នា។
នៅជាមួយមនុស្សប្រុសដែលគេទុកអ្នកសំខាន់ក្នុងកែវភ្នែក ឲ្យតម្លៃអ្នកជាងនារីដទៃ មិនរញ៉េរញ៉ៃច្រើន ឆ្លៀតពេលជាមួយអ្នកទោះបីជារវល់ខ្លាំង យកចិត្តទុកដាក់ចំពោះអ្នក ព្រមកែប្រែចំណុចអាក្រក់របស់ខ្លួនដើម្បីនៅជាមួយអ្នក មនុស្សប្រុសបែបនេះហើយ ទើបមិនធ្វើឲ្យអ្នកហត់ចិត្តច្រើន។
បើជួបមនុស្សប្រុសដែលធ្វើបែបនេះជាមួយអ្នកមានន័យថា គេពិតជាអាចមើលថែអ្នកទៅថ្ងៃអនាគតបាន។ ស្រឡាញ់មនុស្សប្រុសខុសមិនអីទេ ប៉ុន្តែជ្រើសរើសនៅជាមួយមនុស្សប្រុសខុស ទើបធ្វើឲ្យផ្លូវចិត្តរបស់អ្នកកាន់តែដុនដាប។
