ហេតុអ្វីបានជាមនុស្សប្រុសមួយចំនួនស្រលាញ់មនុស្សស្រីដែលរឹងមាំ? ហេតុផលងាយណាស់ ដោយសារតែពេលខ្លះអ្នកទាំងនោះមានចំណុចមួយដែលអាចទាក់ទាញឲ្យមនុស្សប្រុសបាក់ចិត្តស្រឡាញ់ដោយមិនដឹងខ្លួនផងដែរ។ លើសពីនេះមនុស្សស្រីដែលរឹងមាំ មនុស្សប្រុសកាន់តែស្រលាញ់ និងកាន់តែចង់បាន ខាងក្រោមនេះជាចំណុចពិសេស៥យ៉ាងដែលមនុស្សប្រុសស្រលាញ់មនុស្សស្រីដែលមនុស្សស្រីរឹងមាំមាន៖
១. នាងដឹងពីរបៀបដែលរស់នៅឲ្យសប្បាយចិត្ត
ប្រភេទនៃស្ត្រីនេះគឺពិតជាអាចដឹងពីអ្វីដែលពួកគេចង់បាននៅក្នុងជីវិត ព្រោះពួកគេមានផែនការជាច្រើនដែលមានសម្រាប់ខ្លួនឯងដោយមិនចាំបាច់មាននរណាម្នាក់ប្រាប់នាងទៀតផង។ នោះហើយជាអារម្មណ៍មួយដែលទាក់ទាញឲ្យបុរសជាច្រើនដែលស្វែងរកនារីដែលមានលក្ខណៈបែបនេះនៅពេលដែលគេណាត់ជួប ឬព្យាយាមតាមស្រលាញ់នាង ព្រោះនៅពេលដែលពួកគេនៅក្បែរនាងអាចសប្បាយចិត្តនឹងមិនសូវហត់នឿយ។
២. នាងទន់ភ្លន់តែមិនទន់ជ្រាយ
ចំណុចនេះពិសេសណាស់ព្រោះនៅពេលដែលមនុស្សប្រុសម្នាក់ព្យាយាមតាមស្រឡាញ់នារីម្នាក់ គេតែងតែសង្កេតមើលពីលក្ខណៈសម្បត្តិមនុស្សដែលគេស្រឡាញ់ ម្យ៉ាងទៀតមនុស្សប្រុសណាក៏ចាប់អារម្មណ៍មនុស្សស្រីទន់ភ្លន់ដែរ មនុស្សស្រីខ្លះនាងមានកាយវិការទន់ភ្លន់ប៉ុន្តែបង្កប់ដោយភាពរឹងមាំនៅខាងក្នុង ដូចនេះភាពរឹងមាំទាំងនោះនឹងធ្វើឱ្យនាងកាន់តែមានតម្លៃនៅក្នុងភ្នែករបស់គាត់ផងដែរ។ ៣. នាងព្យាយាមបង្កើនទំនុកចិត្តដល់អ្នកដទៃ
មនុស្សស្រីដែលរឹងមាំពិតជាអាចដើរតួជាអ្នកបង្កើនទំនុកចិត្តដ៏អស្ចារ្យសម្រាប់បុរសនឹងអ្នកនៅក្បែរខ្លួនជាច្រើនបានផងដែរ។ ហេតុផលសំខាន់នោះ ព្រោះមនុស្សស្រីប្រភេទនេះតែងតែមានទំនុកចិត្តនៅពេលដែលនាងធ្វើអ្វីឬឈរក្បែរនរណាម្នាក់ ដែលធ្វើឲ្យបុរសជាច្រើនទទួលបានទំនុកចិត្តយ៉ាងខ្លាំងនៅពេលបានក្បែរស្ត្រីរឹងមាំ និងឯករាជ្យដូចជានាង ទើបធ្វើឲ្យគេលង់ស្រឡាញ់នាងដោយមិនដឹងខ្លួន។
៤. ចង់ឲ្យបុរសនោះកាន់តែប្រសើរ
ជាការពិតណាស់ បើបុរសនោះស្រឡាញ់នឹងចង់បាននាងមែន នាងនឹងបង្ហាញពីអ្វីដែលនាងត្រូវការនឹងចង់បាន ហើយនឹងប្រាប់ពីចំណុចដែលខ្វះខាតដើម្បីឲកយគាត់កែប្រែខ្លួនឯងឲ្យល្អ នឹងធ្វើឲ្យខ្លួនឯងឱ្យកាន់តែរឹងមាំ ដោយពួកគេដឹងថាគាត់ត្រូវតែបង្កើនសមត្ថភាពរបស់គាត់ដោយរបៀបណា ដើម្បីឱ្យទទួលបានតម្លៃមួយដែលសក្ដិសមដើម្បីនៅជាមួយមនុសស្សស្រីដូចនាង។
៥. នាងមានបេះដូងមួយដែលបរិសុទ្ធ
មនុស្សស្រីដែលរឹងមាំប្រាកដជាមានបេះដូងមួយដែលរឹងមាំល្អដូចគ្នា ជាហតុនាងមិនដែលទទួលបុរសណាម្នាក់ចូលមកបំផ្លាញបេះដូងមួយដែលនាងខំរក្សានិងការពារដោយល្អនោះទេ ដូចនេះហើយនាងមិនដែលភ័យខ្លាចថាគ្មាននរណាម្នាក់ដែលមិនព្រមស្រឡាញ់នាងនោះដែរ។ មនុស្សស្រីបែបនេះមិនងាយនឹងតាមស្រលាញ់នាងនោះទេ ព្រោះពេលខ្លះនាងមិនចង់មានស្នេហាក៏ថាបាន ដោយសារតែនាងជាមនុស្សម្នាក់ដែលអាចរឹងមាមបានដោយគ្មានមនុស្សប្រុសនៅក្បែរទៀតផង។
ពិតណាស់នៅពេលដែលមនុស្សស្រីទទួលការស្រឡាញ់ពីនរណាម្នាក់គឺចង់ឃើញពីភាពល្អរបស់បុរសនោះសិន។ សំខាន់ជាងនេះទៀតមនុស្សស្រីរឹងមាំមិនមែនងាយទទួលយកនរណាម្នាក់នៅក្នុងជីវិតឡើយ ព្រោះពេលខ្លះមកពីនាងមានបទពិសោធន៍មួយដែលធ្វើឲ្យនាងមិនហ៊ានបើកចិត្តទទួលអ្នកណាបន្តទៀត។
បញ្ចេញមតិយោបល់
