តើអ្នកដឹងទេ ប្រសិនបើអ្នកកប់ខ្លួនទៅនឹងបញ្ហាប្រចាំថ្ងៃ អ្នកច្បាស់ជានឹងបាត់បង់ពេលវេលា ក្នុងការរស់នៅក្នុងបច្ចុប្បន្ន ដើម្បីរស់នៅក្នុងក្តីសុខ។
ដូច្នេះ អ្នកត្រូវរៀនផ្លាស់ប្តូរការគិតអវិជ្ជមានរបស់ខ្លួនឯង ត្រូវចេះផ្តល់កម្លាំងចិត្តឲ្យខ្លួនឯង ជាពិសេសមនុស្ស ដែលមានឥទ្ធិពលបំផុតនៅក្នុងជីវិតរបស់អ្នក គឺមិនមែនអ្នកដទៃឡើយ តែគឺជាខ្លួនអ្នកតែម្នាក់ប៉ុណ្ណោះ ដែលជាមនុស្សអាចផ្តល់កម្លាំងចិត្តដល់ខ្លួនឯងបានល្អបំផុត។
មានអ្នកខ្លះព្យាយាមរង់ចាំ ការផ្តល់កម្លាំងចិត្ត ក្តីស្រឡាញ់ពីមនុស្សខ្លួនស្រលាញ់ ឬក៏ពីអ្នកដទៃនៅជុំវិញខ្លួន ហើយនៅពេលគ្មាននរណា មកចាប់អារម្មណ៍និងផ្តល់កម្លាំងចិត្តឱ្យ គេក៏បាក់ទឹកចិត្ត រហូតដល់ថ្នាក់គិតមិនល្អទៀតក៏មាន ប៉ុន្តែគេភ្លេចគិតថា សំឡេងដែលមានឥទ្ធិពលបំផុត គឺជាសំឡេងចេញពីបេះដូងរបស់ខ្លួនឯងទៅវិញ។
ប្រសិនបើគ្មាននរណាផ្តល់កម្លាំងចិត្តឲ្យអ្នក គឺអ្នកខ្លួនឯងនេះហើយ ដែលមានតួនាទីផ្តល់កម្លាំងចិត្តឲ្យខ្លួនឯង សំឡេងដ៏ពីរោះ ការផ្តល់កម្លាំងចិត្ត ភាពលួងលោមអ្នកល្អបំផុតនោះ គឺសំឡេងចេញពីបេះដូងរបស់អ្នក។
