ក្នុងសង្គមនេះ អ្នកប្រាកដជាជួបមនុស្សជាច្រើនប្រភេទ ដូចនេះបើអ្នកដឹងពីគន្លឹះខ្លះៗ សម្រាប់បង្កើតទំនាក់ទំនងជាមួយពួកគេនោះប្រាកដជាល្អជាមិនខាន។ ខាងក្រោមនេះ ជាចំណុចមួយចំនួនដែលអ្នកគួរតែដឹង ៖
១. នៅពេលអ្នកនៅជាមួយមនុស្សវ័យក្មេងជាងអ្នក អ្នកប្រាកដជាត្រូវបំផុសគំនិតដល់ពួកគេជារឿយៗ ព្រោះអ្នកអាចមានគំនិតចាស់ទុំជាងមនុស្សដែលមានអាយុតិចជាងអ្នក។
២. ពេលអ្នកនៅជាមួយក្មេងៗ អ្នកគួរតេព្យាយាមអប់រំពួកគេឲ្យបានច្រើន ព្រោះក្មេងៗជាក្រដាសសអាចនឹងយកគម្រូមិនល្អតាមអ្នក ដូច្នេះហើយត្រូវធ្វើជាគម្រូល្អជានិច្ច។
៣. នៅពេលអ្នកនៅជាមួយមេដឹកនាំល្អ ត្រូវតែស្តាប់ និងគោរពតាមពួកគាត់ ហើយព្យាយាមពង្រឹង សមត្ថភាពខ្លួនឯងឲ្យខ្លាំងជាងមុនតាមដែលអាចធ្វើបាន។
៤. នៅពេលអ្នកជួបមនុស្សក្រអឺតក្រទម គួរតែដើរគេច ព្រោះមនុស្សមានអំណួតច្រើនតែងតែមិនខ្វល់ពីអារម្មណ៍របស់អ្នកដទៃ ដូច្នេះហើយអ្នកគួរតែដើរគេចចេញឲ្យឆ្ងាយកុំយកខ្លួនទៅពាក់ពន្ធ័អី។
៥. ពេលអ្នកនៅជាមួយមនុស្សពូកែកុហក ត្រូវធ្វើជាមនុស្សពូកែជាន់កែង ព្រោះមិនមែនឲ្យគេកុហកអ្នកបានគ្រប់យ៉ាងនោះទេ។
៦. ពេលអ្នកបានជួបមនុស្សល្អ អ្នកត្រូវតែព្យាយាមថែរក្សាពួកគេ ព្រោះបច្ចុប្បន្ននេះពិបាករកមនុស្សល្អណាស់។
៧. នៅពេលអ្នកជួបមនុស្សដែលបាក់ទឹកចិត្ត ត្រូវតែជួយជំរុញឲ្យគេគិតវិជ្ជមានឲ្យបានច្រើន នោះផ្លូវចិត្តរបស់គេក៏អាចប្រសើរនៅពេលមានការលើកទឹកចិត្តពីអ្នក។
នេះជាចំណុចមួយចំនួនដែលអ្នកអាចស្វែងយលបាន ព្រោះអ្នកអាចជួបមនុស្សគ្រប់ប្រភេទទៅតាមជីវិតជាក់ស្តែង។
