ធ្លាប់អត់នៅពេលព្រឹក ទោះបីជាអ្នកគេងបាន ៧ ឬ ៨ ម៉ោងក៏ដោយ អ្នកនៅតែមានអារម្មណ៍ថា ងងុយគេង ហត់នឿយ និង ក្រោកពីគេងមិនចង់រួច? នេះជាអ្វីដែលអ្នកត្រូវដឹង ការលើកទឹកចិត្តគឺជាទម្លាប់ ជំរុញចិត្តខ្លួនឯងឲ្យធ្វើអ្វីមួយដោយមានទំនុកចិត្ត ទោះបីជាអ្នកមានអារម្មណ៍មិនល្អក៏ដោយ។ នេះជាវិធីលើកទឹកចិត្តខ្លួនឯងរាល់ព្រឹក ដែលងាយទទួលបានលទ្ធផលបំផុត ៖
១. កុំក្រោកហើយសម្ងំលើគ្រែ
នៅពេលដែលនាឡិការបស់អ្នករោទិ៍ ចូរក្រោកពីគេងភ្លាម ហើយចាប់ផ្តើមថ្ងៃថ្មីរបស់អ្នកនៅពេលព្រឹកដ៏អស្ចារ្យ។ លើសពីនេះ កុំទម្លាប់សម្ងំលើគ្រែ ហើយគិតតែពីរឿងស្មុគស្មាញទាំងអស់ក្នុងជីវិតរបស់អ្នកដោយមិនបានធ្វើអីសោះ។ ដូចនេះ ចូរចាប់ផ្តើមដោយក្រោកពីដំណេកភ្លាម ហើយចាប់ផ្តើមថ្ងៃរបស់អ្នក ការគិតវិជ្ជមានក្នុងទិសដៅត្រឹមត្រូវមួយសម្រាប់ពេលព្រឹករបស់អ្នក។
២. ហាត់ប្រាណឲ្យបានទៀតទាត់
ប្រសិនបើអ្នកសួរមនុស្សជោគជ័យពីរបៀបលើកទឹកចិត្តខ្លួនឯងនៅពេលព្រឹក ពួកគេជាច្រើននឹងនិយាយអំពីការធ្វើលំហាត់ប្រាណ ដូច្នេះ ចូរធ្វើលំហាត់ប្រាណជារៀងរាល់ព្រឹកបន្ទាប់ពីអ្នកភ្ញាក់ពីគេង។ ម្យ៉ាងទៀត អ្នកអាចហាត់ប្រាណនៅក្រៅផ្ទះ ដើម្បីស្រូបយកខ្យល់អាកាសបរិសុទ្ធ និង ពន្លឺព្រះអាទិត្យ ជួយឲ្យអារម្មណ៍របស់អ្នកកាន់តែស្រស់ស្រាយ។
៣. ធ្វើសមាធិ
ការធ្វើសមាធិជារិធិលើកទឹកចិត្តដ៏អស្ចារ្យ សម្រាប់ខួរក្បាល និងរាងកាយរបស់អ្នក និង មានអត្ថប្រយោជន៍ជួយឲ្យផ្លូវចិត្តរបស់អ្នកកាន់តែប្រសើរឡើង ព្រមទាំងបំផ្លាញការថប់បារម្ភរបស់អ្នកផងដែរ។ តាមរយៈការធ្វើសមាធិ អ្នកក៏អាចស្វែងរកចម្លើយពីរបៀបដើម្បីទទួលបានការលើកទឹកចិត្តដោយខ្លួនឯង នៅពេលខួរក្បាលរបស់អ្នកស្រឡះ និង ស្ងប់ស្ងាត់ល្អ។
៤. ធ្វើអាហារពេលព្រឹកសម្រាប់ខ្លួនឯង
ការធ្វើអាហារពេលព្រឹកសម្រាប់ខ្លួនឯង គឺជាការលើកទឹកចិត្តដល់ខ្លួនរបស់អ្នកឲ្យមើលថែទាំងខ្លួនឯងដូចជា ញ៉ាំអាហារពេលព្រឹកឲ្យទៀងទាត់ មានជីវជាតិ និង សារធាតុចិញ្ចឹមគ្រប់គ្រាន់ ដែលរាងកាយរបស់អ្នកសមនឹងទទួលបាន ជួយឲ្យរាងកាយរបស់អ្នកមាំមួន និង មានសុខភាពល្អ។
៥. ឈានមួយជំហាននៃគោលដៅរបស់អ្នក
នៅពេលដែលអ្នកធ្វើកិច្ចការទាំងអស់រួចរាល់ពីមួយជំហានទៅមួយជំហានហើយត្រូវចាប់ផ្តើមអនុវត្តគោលដៅរបស់អ្នកឲ្យកាន់តែរីកចម្រើនទៅមុខ ទោះជាពិបាកបែបណាក៏ដោយត្រូវដើរទៅមុខ និង ស្រមៃថាតើជីវិតអ្នកនឹងអស្ចារ្យប៉ុណ្ណា នៅពេលដែលអ្នកបានឈានដល់គោលដៅទាំងនេះ។
នេះជា វិធីលើកទឹកចិត្តខ្លួនឯងនៅពេលព្រឹកដែលអ្នកអាចអនុវត្តបាន ប៉ុន្តែត្រូវចាំថាគ្មានថ្ងៃណាអាក្រក់ទេឲ្យតែការគិតរបស់អ្នកល្អ ហើយព្យាយាមបង្កើតទម្លាប់ល្អសម្រាប់ពេលព្រឹករបស់អ្នកដើម្បីទទួលបានការលើកទឹកចិត្តសម្រាប់ជីវិតរបស់អ្នក។
បញ្ចេញមតិយោបល់
