ការរៀនពីរបៀបដើម្បីស្រលាញ់ខ្លួនអ្នកអាចជាបញ្ហាប្រឈមមួយ ជាពិសេសនៅក្នុងជីវិតរបស់មនុស្សគ្រប់រូបដែលមិនងាយធ្វើបាន ព្រោះពេលខ្លះ អ្នកអាចស្រឡាញ់អ្នកផ្សេងច្រើនជាងខ្លួនឯង។ ខាងក្រោមនេះ វិធីល្អបំផុត ៥ យ៉ាងដើម្បីស្រឡាញ់ខ្លួនឯងម្ដងទៀត នៅពេលដែលអ្នកបាត់បង់ខ្លួនឯង ៖
១. កាត់បន្ថយការប្រៀបធៀបខ្លួនឯង
ការស្រឡាញ់ខ្លួនឯង គឺកើតឡើងពីការស្គាល់ខ្លួនឯងពិតប្រាកដ រស់នៅភាពជាខ្លួនឯង ដោយមិនមែនយកជីវិតរបស់អ្នកដទៃមកប្រៀបធៀបនោះទេ ព្រោះមនុស្សម្នាក់ៗមានចំណុចល្អរៀងខ្លួន ដូច្នេះកុំប្រៀបធៀប ហើយស្រឡាញ់អ្វីដែលជាខ្លួនឯងពិតប្រាកដ។
២. អនុវត្តការស្រលាញ់ខ្លួនឯង
ការស្រឡាញ់ខ្លួនឯងកើតឡើងតាមវិធីជាច្រើនដែលអ្នកអាចធ្វើបានសម្រាប់ខ្លួនឯងដូចជា មើលថែ សុខភាពរាងកាយឲ្យបានល្អ និង ថែផ្លូវចិត្ត និង អារម្មណ៍របស់អ្នក ឲ្យបានល្អប្រសើរ កុំព្យាយាមបន្ទោសខ្លួនឯងនៅពេលដែល បរាជ័យ រៀនលើកទឹកចិត្តខ្លួនឯង និង កុំបណ្តោយឲ្យមនុស្ស toxic ចូលក្នុងជីវិតអ្នក នេះជាការស្រឡាញ់ខ្លួនឯងយ៉ាងល្អបំផុតសម្រាប់អ្នក។
៣. ពេញចិត្តនូវអ្វីដែលខ្លួនបានធ្វើ
របៀបស្រឡាញ់ខ្លួនឯងមួយជំហានទៀត គឺពេញចិត្តនូវអ្វីដែលខ្លួនបានមកទោះបីជាតិចតួចក៏ដោយ ហើយត្រូវមានមោទនភាពចំពោះកិច្ចការដែលអ្នកធ្វើបានសម្រេច ជំហាននេះអាចជួយឲ្យអ្នកមើលឃើញពីតម្លៃនៃអ្វីដែលអ្នកបានធ្វើសម្រាប់ជីវិតអ្នក។
៤. សាកល្បងអ្វីដែលថ្មី ហើយធ្វើអ្វីដែលធ្វើឱ្យអ្នកភ័យខ្លាច
តើអ្នកធ្លាប់ចង់សាកល្បងអ្វីដែលថ្មី ដើម្បីផ្លាស់ប្តូរខ្លួនឯងដែរឬទេ? នៅពេលដែលអ្នកចាប់ផ្តើមធ្វើអ្វីថ្មីៗ ហើយព្យាយាមសាកល្បងអ្វីដែលអ្នកធ្លាប់ភ័យខ្លាច នោះអ្នកនឹងទទួលអារម្មណ៍មួយថា “Damn, I am brave” ហើយក៏ជាកម្លាំងជួយជំរុញទឹកចិត្តអ្នកឲ្យហ៊ានប្រឈមមុខនឹងអ្វីដែលអ្នកខ្លាច និង ពេញចិត្តអ្វីៗកើតឡើងចំពោះអ្នក។
៥. អនុវត្តទម្លាប់ដែលមានសុខភាពល្អប្រចាំថ្ងៃ
នៅពេលដែលអ្នកចាប់ផ្តើមផ្លាស់ប្តូរទម្លាប់របស់ខ្លួនឯង ដូចជា ផឹកទឹកឱ្យបានច្រើន គេងឱ្យបានគ្រប់គ្រាន់ និង សកម្មភាពនៃការផ្លាស់ប្តូរតិចតួចនៅក្នុងទម្លាប់ប្រចាំថ្ងៃ នឹងធ្វើឱ្យមានភាពខុសប្លែកគ្នាយ៉ាងខ្លាំង អ្នកក៏ចាប់ផ្ដើមមានអារម្មណ៍ល្អចំពោះខ្លួនឯង ហើយពិតជាស្រឡាញ់ខ្លួនអ្នកជាអ្នកណា។
