ការមានវិន័យសម្រាប់ខ្លួន គឺជារឿងល្អមិនថាទៅថ្ងៃអនាគត ឬ ចំពោះជីវិតរបស់អ្នកនោះទេ។ ម្យ៉ាងទៀត ការដាក់វិន័យលើខ្លួនឯងតែងតែជួយអ្នកឲ្យមានភាពល្អប្រសើរជាងមុន។ ខាងក្រោមនេះ ជា ៥ ចំណុចនៃការចាប់ផ្តើម សម្រាប់អ្នកដែលខ្វះវិន័យលើខ្លួនឯង ៖
1. រៀនកំណត់គោលដៅច្បាស់លាស់
បើគ្មានគោលដៅច្បាស់លាស់ទេ វាពិបាកក្នុងការកំណត់នូវអ្វីដែលអ្នកចង់បាន។ ឈប់ពន្យារបេលតទៅទៀត ចាប់ផ្តើមស្រមៃមើលអ្វីដែលអ្នកពិតជាចង់បាន និង អ្នកចង់ក្លាយជានៅថ្ងៃខាងមុខ។ រៀនការសរសេរពីគោលដៅរបស់អ្នក និងរបៀបដើរទៅរកគោលដៅនោះ ទើបនឹងជួយឱ្យវាក្លាយជាការពិត។
2. បង្កើតផែនការច្បាស់លាស់
អ្នកប្រហែលជាដឹងថាអ្នកចង់បានអ្វីរួចមកហើយ ដូចនេះ ចាប់ផ្តើមរៀបចំផែនការរបស់អ្នក បើសិនជាវាធំពេកត្រូវបំបែកជាជំហាននីមួយៗ ដែលអ្នកអាចមានសមត្ថភាពធ្វើតាមបាន ដើម្បីជាជំហានតូចៗនាំទៅរកការផ្លាស់ប្តូរធំ និង គោលដៅរបស់អ្នក។
3. ពង្រឹងទំនុកចិត្តលើខ្លួនឯង
រឿងមួយដែលជួយឲ្យអ្នកទទួលបានជោគជ័យក្នុងសង្គម គឺការជឿជាក់លើខ្លួនឯង ជឿជាក់លើសមត្ថភាពរបស់អ្នក។ កុំខ្វល់ពីលទ្ធផលដែលអ្នកទទួលបាន ប៉ុន្តែទោះបីជាដួល បរាជ័យ និងលទ្ធផលមិនល្អច្រើនប៉ុណ្ណា ត្រូវបន្តជឿលើខ្លួនឯងម្តងហើយម្តងទៀត។
៤. ចាប់ផ្តើមមានទម្លាប់តូច
ទម្លាប់ល្អ តែងតែមាននាំអ្នកឲ្យកាន់តែល្អប្រសើរ ជារឿយៗនៅពេលដែលអ្នកខ្វះការដាក់វិន័យលើខ្លួនឯង អ្នកប្រាកដជាខ្ជះខ្ជាយពេលវេលាដោយមិនដឹងថាបានសាច់ការអី។ ដូចនេះ រៀនឲ្យខ្លួនឯងចាប់ផ្តើមានទម្លាប់តូចៗដែលល្អ ឬមានប្រយោជន៍ជាជាងមិនផ្លាស់ប្តូររបស់ខ្លួនឯងសោះ។
5. មើលថែខ្លួនឯង
ដឹងទេ សុខភាពផ្លូវចិត្ត និងផ្លូវកាយរឹងមាំ គឺជំរុញឲ្យអ្នកកាន់តែមានការលើកទឹកចិត្តជាងមុន ដើម្បីប្រយុទ្ធការខ្វះវិន័យលើខ្លួនឯង។
ជាទូទៅ នេះជាចំណុចចាប់ផ្តើមសម្រាប់អ្នកដែលខ្វះវិន័យចំពោះខ្លួនឯង ដូច្នេះ បើអត់ដឹងថាចាប់ផ្តើមពីចំណុចទេ អ្នកអាចសាកល្បងអនុវត្តតាមចំណុចនេះបាន។
